நீங்கள் தேடியது "இறைச்சி விற்பனை"

திருவனந்தபுரம்:

கேரள மாநிலம் ஆலப்புழா மாவட்டத்தில் ஏராளமான வாத்து மற்றும் கோழிப்பண்ணைகள் செயல்பட்டு வருகின்றன. அந்த பண்ணைகளில் வளர்க்கப்படும் பறவைகள் பல்வேறு பகுதிகளுக்கு கொண்டு செல்லப்படுகின்றன.

இந்நிலையில் ஆலப்புழா மாவட்டம் எடத்துவா பகுதியில் உள்ள பண்ணையில் வாத்துக்கள் தொடர்ச்சியாக இறந்தன. இதனால் பறவை காய்ச்சல் பாதிப்பு இருக்கும் என்று கருதப்பட்டது. இதையடுத்து இறந்த வாத்துக்களில் இருந்து மாதிரிகள் சேகரிக்கப்பட்டு போபாலில் உள்ள ஆய்வகத்திற்கு அனுப்பப்பட்டது.

அங்கு நடத்தப்பட்ட சோதனையில் வாத்துக்களுக்கு ஏவியான் இன்புளூ வன்சா என்ற பறவை காய்ச்சல் தொற்று பரவி இருந்தது உறுதி செய்யப்பட்டது. இதையடுத்து ஆலப்புழா மாவட்ட கலெக்டர் அலெக்ஸ் வர்க்கீஸ் மற்றும் சுகாதாரத்துறை அதிகாரிகள் ஆலோசனை நடத்தினர்.

அதில் எடத்துவா பஞ்சாயத்து முதலாவது வார்டில் பறவை காய்ச்சல் தொற்று பாதித்திருந்த இடத்தில் இருந்து 1 கிலோ மீட்டர் சுற்றளவில் வளர்க்கப்படும் வாத்து உள்ளிட்ட பறவை இனங்களை அழிக்க முடிவு செய்யப்பட்டது. மேலும் அந்த பகுதியில் இருக்கும் பறவைகளின் எண்ணிக்கை கணக்கிடப்பட்டது.

அதில் தொற்று பாதித்த பகுதிக்கு அருகே 21,537 பறவைகள் வளர்க்கப்பட்டு வருவது தெரிய வந்தது. இதையடுத்து அந்த பறவைகளை கொன்று எரிக்க நடவடிக்கை எடுக்கப்பட்டது. பறவைகளை கொல்லும் பணியை சுகாதாரத்துறை ஊழியர்கள் இன்று தொடங்கினர்.

பண்ணைகள் மற்றும் வீடுகளில் வளர்க்கப்பட்ட பறவைகள் தனியாக ஒரு இடத்திற்கு எடுத்து செல்லப்பட்டு சுகாதாரத்துறையினர் அழித்து வருகின்றனர். மேலும் அந்த பகுதிகள் முழுவதும் கிருமி நாசினி தெளித்தல் உள்ளிட்ட சுகாதாரப்பணிகள் மேற்கொள்ளப்பட்டன.

பறவை காய்ச்சல் பாதித்த பகுதிகளில் கோழி, வாத்து, காடை போன்ற நாட்டு பறவைகள் மற்றும் அவற்றின் முட்டைகளை உண்ணவும், விற்பனை செய்யவும் தடை விதிக்கப்பட்டுள்ளது. இந்த உத்தரவு வருகிற 25-ந்தேதி வரை அமலில் இருக்கும் என கலெக்டர் தெரிவித்துள்ளார்.

ராஜபாளையம்:

விருதுநகர் மாவட்டம் ராஜபாளையம் பகுதியில் உள்ள மேற்கு தொடர்ச்சி மலை அடிவாரப்பகுதியில் மான் உள்ளிட்ட அரிய வன விலங்குகள் அதிகளவில் வசித்து வருகின்றன. சில சமூக விரோதிகள் காட்டுக் குள் சட்ட விரோதமாக புகுந்து மான்களை வேட்டை யாடுவதாக தொடர்ந்து புகார்கள் வந்த வண்ணம் இருந்தன.

இதன் காரணமாக வனத்துறையினரும் ராஜபாளையம் வனப்பகுதியில் கண்கா ணிப்பை தீவிரப்படுத்தி யுள்ளனர்.

இந்தநிலையில் சம்பவத்தன்று வனச்சரக அலுவலர்கள் சக்தி பிரசாத், கதிர்காமன், வனவர் இள வரசன் தலைமையிலான வனத்துறையினர் ரோந்து சென்றனர். அப்போது ஆவாரம்பட்டியில் உள்ள ஒரு வீட்டில் மான் இறைச்சி விற்பனை செய்வதாக தகவல் கிடைத்தது.

உடனே வனத்துறையினர் அந்த வீட்டுக்குள் அதிரடியாக புகுந்தனர். அப்போது அங்கிருந்த கும்பல் ஓட்டம் பிடித்தது. உடனே வனத்துறையினர் அவர்களை விரட்டிச் சென்றனர். இதில் 6 பேர் தப்பிவிட, காளிராஜ் (வயது21) என்பவர் மட்டும் சிக்கினார். தொடர்ந்து வீட்டில் இருந்த 10 கிலோ மான் இறைச்சி, அரிவாள், கத்தி, எடை எந்திரம் ஆகியவற்றை வனத்துறையினர் பறிமுதல் செய்தனர்.

இதுதொடர்பாக காளிராஜை கைது செய்து விசாரித்தபோது மேற்கு தொடர்ச்சி மலை அடிவாரப்பகுதியான வாழைக்குளம் பகுதியில் இரவு நேரங்களில் கும்பலாக சென்று மான்களை வேட்டையாடி இறைச்சி விற்பனை செய்தது தெரியவந்தது. இந்த சம்பவத்தில் தொடர்புடைய தப்பியோடிய 6 பேரை வனத்துறையினர் தேடி வருகின்றனர்.

திருப்பூர் :

வடலூர் ராமலிங்கர் நினைவுதினத்தை முன்னிட்டு திருப்பூர் மாவட்டத்தில் டாஸ்மாக் மதுபான கடைகள், அவற்றுடன் செயல்படும் மதுபான கூடங்கள், மனமகிழ் மன்றங்கள் மற்றும் உணவு விடுதிகளுடன் இணைந்து செயல்பட்டு வரும் அரசு உரிமம் பெற்ற மதுபான கூடங்கள் மூடப்படும் என்றும், மதுபானங்கள் விற்பனை செய்வதை நிறுத்தம் செய்ய வேண்டும் என்றும் தவறும்பட்சத்தில் தொடர்புடையவர்கள் மீது உரிய சட்டப்பிரிவுகளின் கீழ் நடவடிக்கை மேற்கொள்ளப்படும் என்று திருப்பூர் மாவட்ட கலெக்டர் வினீத் உத்தரவிட்டிருந்தார்.

மேலும் சிக்கன் மட்டன் உள்ளிட்ட இறைச்சி கடைகளையும் மூடுவதற்கு உத்தரவு பிறப்பிக்கப்பட்டு இருந்தது. இந்த நிலையில் அரசு உத்தரவை மீறி நேற்று திருப்பூர் மாநகராட்சி 4 மண்டலத்துக்குட்பட்ட பகுதிகளில் இறைச்சி விற்பனை நடைபெறுவதாக தகவல் வந்தது. இதன் பேரில் மாநகராட்சி முழுவதும் அதிகாரிகள் திடீர் சோதனையில் ஈடுபட்டனர்.

இதன்படி 2-வது மண்டலத்திற்கு ட்பட்ட பி.என். ரோடு, கொங்கு மெயின் ரோடு உள்ளிட்ட பகுதிகளில் 2-வது மண்டல சுகாதார அலுவலர் பிச்சை, சுகாதார ஆய்வாளர் ராமகிருஷ்ணன் உள்ளிட்ட அதிகாரிகள் ஆய்வு மேற்கொண்டனர்.

அப்போது அங்குள்ள கடைகளில் இறைச்சி விற்பனை செய்யப்பட்டது தெரிய வந்தது. இதையடுத்து அந்தக் கடைகளில் இருந்து 100 கிலோ இறைச்சியை அதிகாரிகள் பறிமுதல் செய்தனர். மேலும் கடை உரிமையாளர்களை கடைகளை உடனடியாக மூடுமாறு அதிகாரிகள் எச்சரித்தனர்.

சென்னை:

பொங்கல் பண்டிகை ஞாயிற்றுக்கிழமை வருவதால் அன்றைய வழக்கமான இறைச்சி வியாபாரம் பாதிக்கக்கூடும் என்று வியாபாரிகள் கருதுகிறார்கள். பொங்கல் பண்டிகை நாளில் பெரும்பாலும் அசைவ உணவு சாப்பிடமாட்டார்கள்.

மறுநாள் திங்கட்கிழமை மாட்டுப்பொங்கல் அன்று தான் அசைவ உணவு சாப்பிடுவது வழக்கம்.

ஆனால் மாட்டுப் பொங்கல் அன்று தான் திருவள்ளுவர் தினமும் கடைபிடிக்கப்படுகிறது. அதையொட்டி இறைச்சி கடைகள் மூடப்பட வேண்டும் என அரசாணை உள்ளது.

அதனால் சென்னை உள்ளிட்ட அனைத்து நகரங்களிலும் மாட்டுப்பொங்கல் நாளில் ஆடு, மாடு, கோழி இறைச்சி கடைகள் பெரும்பாலும் மூடப்பட்டு இருக்கும். ஆடுகள் வெட்டக்கூடிய இடங்கள் மூடப்படும்.

17-ந்தேதி காணும்பொங்கல் தினத்தில் இறைச்சி கடைகள் முழுமையாக செயல்படும் விற்பனையும் அதிகமாக இருக்கும். ஆனால் பெரும்பாலானவர்கள் காணும் பொங்கல் அன்று கடற்கரை, பூங்கா உள்ளிட்ட சுற்றுலா மையங்களுக்கு சென்று விடுவார்கள்.

இதனால் பொதுவாக பொங்கல் பண்டிகை நாட்களில் இறைச்சி விற்பனை அமோகமாக இருக்காது என்று வியாபாரிகள் தரப்பில் தெரிவிக்கப்படுகிறது.

ஆனாலும் 15, 16, 17 ஆகிய நாட்களை கணக்கில் கொண்டு ஆடு, மாடு, கறிக் கோழிகள் சென்னையில் குவிக்கப்படுகின்றன.

இதுகுறித்து சென்னை ஆட்டு இறைச்சி வியாபாரிகள் சங்க தலைவர் கூறியதாவது:-

பொங்கல் ஞாயிற்றுக்கிழமை வருவதால் அன்று வழக்கமாக நடைபெறும் இறைச்சி வியாபாரம் பாதிக்கப்படும். திங்கட்கிழமை ஆட்டு தொட்டிகள் மூடப்படும். ஆடுகள் எதுவும் தொட்டியில் வெட்டக்கூடாது என உத்தரவு இருப்பதால் அன்று விற்பனை செய்ய முடியாது.

மாட்டு பொங்கல் தினமான அன்று தான் இறைச்சி சாப்பிடுவார்கள். ஆனால் அன்று இறைச்சி கடைகளை மூட வேண்டிய நிலை உள்ளது. காணும் பொங்கல் தினத்தை நம்பிதான் வியாபாரம் மேற்கொள்ளப்படும்.

பொங்கல் பண்டிகைக்காக சென்னையில் 25 ஆயிரம் ஆடுகள் வெட்டப்படுவதற்கு வாய்ப்பு உள்ளது. சைதாப்பேட்டையில் ஆட்டு தொட்டியில் 3000, வில்லிவாக்கம் தொட்டியில் 500 ஆடுகள் வெட்டப் படலாம். பொங்கலுக்காக விலை உயர்த்தப்படவில்லை.

ஆட்டு தொட்டியில் வெட்டப்படும் ஆடுகள் தரம் வாரியாக கிலோ ரூ.400 முதல் ரூ.700 வரை விற்பனை செய்யப்படுகிறது.

மாநகராட்சி இறைச்சி கடைகளை மூடாமல் இருந்தால் ஆடு, மாடு இறைச்சி விற்பனை அமோகமாக இருக்கும். ஆனால் 16-ந்தேதி கடையை மூட வேண்டிய நிலை உள்ளது.

இவ்வாறு அவர் கூறினார்.

சென்னை கோழி மொத்த வியாபாரிகள் சங்க பொதுச்செயலாளர் ஞானசெல்வம் கூறியதாவது:-

சென்னைக்கு தினமும் கறிக்கோழி 1 கோடி கிலோ வருகிறது. அதாவது 1000 டன் கறிக்கோழிகள் பல்வேறு இடங்களில் இருந்து கொண்டு வரப்படுகிறது. 200 முதல் 250 சிறிய லாரிகள் வருவது வழக்கம். பொங்கல் பண்டிகைக்கு 1500 டன் கறிக்கோழி சென்னைக்கு வரும். 3 நாட்களிலும் சராசரியாக 50 சதவீதம் விற்பனைதான் நடைபெறும்.

மாட்டு பொங்கல் அன்று தான் கறி சமைப்பார்கள். ஆனால் அன்று இறைச்சி கடைகளை மூட வேண்டும் என உத்தரவு உள்ளது. அதற்கு விலக்கு அளிக்க வேண்டும் என்று அரசுக்கு கோரிக்கை வைத்துள்ளோம்.

இவ்வாறு அவர் கூறினார்.