என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "யூரோ 2024"
- ஹங்கேரி அணி துவக்கம் முதலே ஆதிக்கம் செலுத்தி வந்தது.
- அந்த அணி முதல் கோலை அடித்தது.
யூரோ கோப்பை கால்பந்து தொடரில் நேற்றிரவு நடைபெற்ற போட்டியில் க்ரூப் ஏ-வில் இடம்பெற்றுள்ள ஜெர்மனி மற்றும் ஹங்கேரி அணிகள் மோதின. இந்த போட்டியில் ஹங்கேரி அணி துவக்கம் முதலே ஆதிக்கம் செலுத்தி வந்தது.
முந்தைய போட்டியில் சுவிட்சர்லாந்து அணியை வெற்றி பெற்ற நிலையில், ஹங்கேரியை வீழ்த்தும் முனைப்பில் ஜெர்மனி அணி விளையாடியது. போட்டியின் முதல் பத்து நிமிடங்களில் ஜெர்மனி களத்தில் செட் ஆகும் வரை மட்டும் ஹங்கேரி வீரர்கள் ஆதிக்கம் இருந்தது. திடீரென இந்த நிலையில், மாற்றம் ஏற்பட்டது.
ஜெர்மனி வீரர்கள் கோல் அடிப்பதில் தீவிரம் காட்டினர். இதற்கு பலன் அளிக்கும் வகையில், ஜெர்மனி அணி முதல் கோலை அடித்தது. இதைத் தொடர்ந்து ஹங்கேரி அணி தடுப்பாட்டத்தில் கவனம் செலுத்தியது. முதல் பாதியில் ஜெர்மனி அணி ஒரு கோலில் முன்னிலை வகித்தது.
எனினும், இரண்டாவது பாதியிலும் கோல் அடிக்கும் முனைப்பில் ஜெர்மனி தீவிரம் காட்டியது. அந்த வகையில் ஜெர்மனி வீரர் குண்டோகன் தனது 19 வது சர்வதேச கோல் அடிக்க, அந்த அணி 2-0 என்ற அடிப்படையில் முன்னிலை பெற்றது. தொடர்ந்து போட்டி முழுக்க ஜெர்மனி ஆதிக்கம் செலுத்தியது. முடிவில் ஜெர்மனி அணி 2-0 என்ற அடிப்படையில் வெற்றி பெற்றது.
இந்த வெற்றியின் மூலம் அந்த அணி நாக் அவுட் சுற்றுக்கு தகுதி பெற்றுள்ளது. ஜெர்மனி அணி இதுவரை விளையாடிய இரண்டு போட்டிகளிலும் வெற்றி பெற்றுள்ளது. ஹங்கேரி அணி விளையாடிய இரண்டு போட்டிகளிலும் தோல்வியை தழுவியுள்ளது குறிப்பிடத்தக்கது.
- முதல் பாதி நேரத்தில் அல்பேனியா 1-0 என முன்னிலை பெற்றிருந்தது.
- ஓன் கோல் கிடைத்ததால் குரோசியா 2 கோல் அடித்தது.
யூரோ 2024 கால்பந்து தொடர் ஜெர்மனியில் நடைபெற்று வருகிறது. இந்திய நேரப்படி இன்று இரவு நடைபெற்ற போட்டியில் "பி" குரூப்பில் இடம் பிடித்துள்ள குரோசியா- அல்பேனியா அணிகள் மோதின.
ஆட்டம் தொடங்கிய 11-வது நிமிடத்தில் அல்பேனியா முதல் கோலை பதிவு செய்தது. அந்த அணியின் குவாசிம் லாசி இந்த கோலை அடித்தார். அதன்பின் இரண்டு அணி வீரர்களால் முதல் பாதி நேர ஆட்டத்தில் மேற்கொண்டு கோல் அடிக்க முடியவில்லை. இதனால் அல்பேனியா 1-0 என முன்னிலைப் பெற்றிருந்து.
2-வது பாதி நேர ஆட்டத்தில் குரோசியா வீரர்கள் கோல் அடிக்க முயற்சி செய்தனர். நீண்ட நேர முயற்சிக்குப்பின் 74-வது நிமிடத்தில் வாய்ப்பு கிடைத்தது. அன்ட்ரெஜ் கிராமாரிக் கோல் அடித்தார். அடுத்த 2-வது நிமிடத்தில் குரோசியாவுக்கு அதிர்ஷ்டம் காத்திருந்தது.
அல்பேனியா கோல் கம்பம் அருகே குரோசிய வீரர் கோல் அடிக்க முயற்சி செய்து பந்தை உதைத்தார். அதை அல்பேனிய வீரர்கள் தடுக்க முயன்றனர். அப்போது கிளாஸ் ஜாசுலாவின் காலில் பந்து பட்டு கோலாக மாறியது. இதனால் குரோசியாவிற்கு ஓன் கோல் மூலம் ஒரு கோல் கிடைத்தது. இதனால் குரோசியா 2-0 என முன்னிலைப் பெற்றது.
அதன்பின் அல்பேனியா வீரர்களை கோல் அடிக்க விடாத வகையில் கடுமையான தடுப்பு ஆட்டத்தில் ஈடுபட்டனர். இதனால் 90 நிமிடம் வரை அல்பேனியா வீரர்களால் கோல் அடிக்கமுடியவில்லை. காயத்திற்கான நேரம் என 6 நிமிடம் கூடுதலாக வழங்கப்பட்டது.
அதில் 95-வது நிமிடத்தில் ஓன் கோல் கொடுத்த கிளாஸ் ஜாசுலா சிறப்பான முறையில் கோல் அடித்தார். சக வீரர் கோல் கம்பம் அருகே பந்தை கடத்தி இவருக்கு பாஸ் செய்ய குரோசிய வீரர் அதை தடுக்க முயன்றார். ஆனால் பந்து அவரை கடந்து ஜாசுலாவிடம் வந்தது. அவர் எளிதாக அதை கோலாக மாற்றினார். இதனால் ஆட்டம் 2-2 என டிராவில் முடிந்தது.
ஓன் கோல் கொடுக்கவில்லை என்றால் அல்பேனியா வெற்றி பெற்றிருக்கும். இறுதியில் போட்டியில் டிராவில் முடிந்ததால் அல்பேனியா ரசிகர்கள் ஆறுதல் அடைந்தனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்