புதுச்சேரி:
பாராளுமன்ற தேர்தலில் புதுச்சேரி தொகுதியில் காங்கிரஸ் வெற்றி பெற்றதையடுத்து புதுச்சேரி காங்கிரஸ் நிர்வாகிகள் மக்கள் நீதிமய்யம் கட்சி தலைவர் கமல்ஹாசன், விடுதலை சிறுத்தை கட்சி தலைவர் திருமாவளவன் ஆகியோரை சந்தித்து பேசினர்.
மக்கள் நீதி மய்யம் கட்சி தலைவர் நடிகர் கமல்ஹாசனை சென்னையில் உள்ள அவரது கட்சி தலைமை அலுவலகத்தில் புதுச்சேரி மாநில காங்கிரஸ் தலைவரும், எம்.பி.யுமான வைத்திலிங்கம் புதுச்சேரி முன்னாள் முதலமைச்சர் நாராயணசாமி, சட்டமன்ற கட்சி தலைவர் வைத்தியநாதன், முன்னாள் அமைச்சர் கந்தசாமி, முன்னாள் அரசு கொறடா அனந்தராமன், முன்னாள் எம்.எல்.ஏ. கார்த்திகேயன், காங்கிரஸ் ஒருங்கிணைப்பாளர் தேவதாஸ் ஆகியோர் சந்தித்து பேசினர்.
மரியாதை நிமித்தமாக சந்தித்து பேசியதாக கூறப்படுகிறது.
அப்போது மக்கள் நீதி மய்யம் கட்சி துணைத்தலைவர்கள் மவுரியா, தங்கவேலு, பொதுச்செயலாளர் அருணாசலம், புதுச்சேரி மாநில பொதுச்செயலாளர் சந்திர மோகன் மற்றும் தமிழ்நாடு-புதுவை மக்கள் நீதி மய்யம் கட்சி நிர்வாகிகள் உடனிருந்தனர்.
இதேபோல் விடுதலை சிறுத்தை கட்சி தலைவர் திருமாவளவனையும் வைத்திலிங்கம் எம்.பி., முன்னாள் முதலமைச்சர் நாராயணசாமி சந்தித்து பேசினர்.
