நீங்கள் தேடியது "கான்பூர் டெஸ்ட்"

புதுடெல்லி:

கான்பூர் டெஸ்ட் போட்டியில் முதல் நாள் ஆட்டம் மழையால் சில மணி நேரங்களே நடந்தது. 2-வது மற்றும் 3-வது நாள் போட்டி மழையால் ரத்தானது. இதனால் இந்த டெஸ்ட் 'டிரா'வை நோக்கி செல்வது தெளிவாக தெரிந்தது.

ஆனால் நேற்றைய 4-வது நாளில் இந்திய அணி அதிரடியான ஆட்டத்தை வெளிப்படுத்தியது. 20 ஓவர் போட்டியை போல ஆடியது. கடைசி நாளில் முடிவு ஏற்பட்டு விட வேண்டும் என்ற நோக்கத்தில் விளையாடியது.

கேப்டன் ரோகித்சர்மா 2 சிக்சர்களுடன் 2-வது ஓவரில் அதிரடியை வெளிப்படுத்தினார். அவரும் ஜெய்ஷ்வாலும் 23 பந்தில் 55 ரன் தொடக்க விக்கெட்டும் எடுத்தனர். ரோகித் சர்மா 11 பந்தில் 3 சிக்சருடன் 23 ரன் எடுத்தார். ஜெய்ஷ்வால், கே.எல். ராகுல் ஆகியோரும் மிகவும் அதிரடியாக விளையாடினார்கள். டெஸ்ட் போட்டிக்கு உயிர் கொடுத்த இந்த அதிரடி ஆட்டம் அனைவரையும் கவர்ந்தது.

ரோகித்சர்மாவின் இந்த அணுகுமுறையை முன்னாள் கிரிக்கெட் கீப்பரும், முன்னாள் தேர்வாளருமான சபாகரீம் பாராட்டி உள்ளார்.

இது தொடர்பாக அவர் கூறியதாவது:-

டோனி, விராட் கோலி போன்று வேறு எந்த இந்திய கேப்டனும் செய்யாதை ரோகித்சர்மா செய்து காட்டியுள்ளார். அவரது அணுகுமுறை பாராட்டத்தக்கது. அவரது குணாதியத்தை வெளிப்படுத்தியுள்ளார்.

ஒருநாள் போட்டி மற்றும் 20 ஓவர் உலகக்கோப்பையை தொடர்ந்து அவர் டெஸ்டிலும் தற்போது மாற்றத்தை ஏற்படுத்தியுள்ளதை நாம் பார்க்கிறோம். இதுதான் ரோகித் சர்மாவின் தலைமையில் ஏற்பட்டுள்ள புத்துணர்ச்சியான விஷயமாகும்.

கடந்த காலத்தில் இருந்த கேப்டன்கள் நல்ல நிலையில் இருக்கும்போது தான் வெற்றியை நோக்கி செல்வோம் என்ற மனநிலையை கொண்டிருந்தனர். முதல் 6 ஓவர்கள் நேரம் எடுத்து பின்னர் அதிரடி காட்டுவோம் என்ற அணுகு முறையை பின்பற்றினர். ஆனால் ரோகித் சர்மா முதல் பந்தில் இருந்தே வெற்றிக்காக அதிரடியாக விளையாட வேண்டும் என்ற அணுகுமுறையை பின்பற்றுகிறார்.

இவ்வாறு சபாகரீம் கூறியுள்ளார்.

வங்காளதேச கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது.

இந்தியா- வங்காளதேசம் அணிகள் மோதும் 2-வது மற்றும் கடைசி டெஸ்ட் போட்டி உத்தரப்பிரதேச மாநிலம் கான்பூரில் வெள்ளிக்கிழமை தொடங்கியது.

முதலில் விளையாடிய வங்காளதேசம் முதல் நாள் ஆட்ட நேர முடிவில் 3 விக்கெட் இழப்புக்கு 107 ரன் எடுத்து இருந்தது. மொமினுல் ஹக் 40 ரன்னும், முஷ்பிகுர் ரகீம் 6 ரன்னும் எடுத்து ஆட்டம் இழக்காமல் இருந்தனர்.

மழையால் முதல் நாள் ஆட்டம் பெரிதும் பாதிக்கப்பட்டது. 90 ஓவர்களில் 35 ஓவர் மட்டுமே வீச முடிந்தது. 2-வது நாள் போட்டியும், நேற்றைய 3-வது நாள் ஆட்டமும் மழையால் ஒரு பந்து கூட வீசப்படாமல் கைவிடப்பட்டது.

மழை இல்லாததால் இன்றைய 4-வது நாள் ஆட்டம் தொடங்கியது. சிறப்பான ஆட்டத்தை வெளிப்படுத்திய மொமினுல் ஹக் அரை சதம் விளாசினார். 11 ரன்கள் எடுத்த நிலையில் முஷ்பிகுர் ரகீமும் 13 ரன்னில் லிட்டன் தாஸும் ஆட்டமிழந்தனர். அதனை தொடர்ந்து வந்த சாஹிப் அல் ஹசன் 9 ரன்னில் வெளியேறினார். தொடர்ந்து சிறப்பான ஆட்டத்தை வெளிப்படுத்தி வந்த மொமினுல் சதம் விளாசி அசத்தினார்.

அடுத்து வந்த வீரர்கள் சொற்ப ரன்னில் வெளியேற வங்கதேச அணி 74.2 ஓவரில் 233 ரன்களுக்கு ஆல் அவுட் ஆனது. இந்தியா தரப்பில் பும்ரா 3 விக்கெட்டும் ஆகாஷ் தீப், அஸ்வின், சிராஜ் தலா 2 விக்கெட்டுகளையும் வீழ்த்தினர்.

இதைதொடர்ந்து முதல் இன்னிஸ்ங்ஸ் விளையாடி வரும் இந்திய அணி தொடக்கம் முதலே அதிரடியாக விளையாடி வருகிறது.

தொடக்க ஆட்டக்காரர்களாக களமிறங்கிய ரோகித் சர்மா மற்றும் ஜெய்ஸ்வால் 3 ஓவர்களில் 50 ரன்களை கடந்து சாதனை படைத்தனர். அப்போது, ரோகித் சர்மா 23 ரன்களில் அவுட்டானார்.

தொடர்ந்து அதிரடியாக விளையாடிய ஜெய்ஸ்வால் அரை சதம் கடந்த 72 ரன்களில் அவுட்டானார்.

இந்நிலையில், அதிவேகமாக 10.1 ஓவர்களில் 100 ரன்களை கடந்து டெஸ்ட் கிரிக்கெட்டில் இந்திய அணி சாதனை படைத்துள்ளது.

கான்பூர்:

வங்காளதேச கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 2 டெஸ்ட் தொடரில் சென்னையில் நடந்த முதல் போட்டியில் இந்திய அணி 280 ரன் வித்தியாசத்தில் அபார வெற்றி பெற்றது. இதன் மூலம் இந்தியா 1-0 என்ற கணக்கில் முன்னிலையில் உள்ளது.

இந்தியா-வங்காளதேசம் அணிகள் மோதும் 2-வது மற்றும் கடைசி டெஸ்ட் போட்டி உத்தரப்பிரதேச மாநிலம் கான்பூர் கிரீன் பார்க் மைதானத்தில் நாளை (வெள்ளிக்கிழமை) தொடங்குகிறது.

ரோகித் சர்மா தலைமையிலான இந்திய அணி இந்த டெஸ்டிலும் வெற்றி பெற்று தொடரை 2-0 என்ற கணக்கில் கைப்பற்றும் ஆர்வத்தில் இருக்கிறது . டிரா செய்தாலே தொடரை வென்றுவிடும்.

இந்திய அணி தொடர்ச்சியாக சொந்த மண்ணில் 17 டெஸ்ட் தொடரை கைப்பற்றி முத்திரை பதித்துள்ளது. வங்காளதேசத்துக்கு எதிராகவும் வெல்லும் போது தொடர்ந்து 18-வது டெஸ்ட் தொடராக அமையும்.

கான்பூர் ஆடுகளம் சுழற்பந்து வீச்சுக்கு ஏற்றதாக இருக்கும். இதனால் 3-வது சுழற்பந்து வீரராக அக்ஷர் படேல் அல்லது குல்தீப் யாதவ் தேர்வு செய்யப்படுவார்கள். ஆகாஷ் தீப் நீக்கப்படுவார். மற்றபடி அணியில் மாற்றம் இருக்காது.

கிட்டத்தட்ட 2 ஆண்டுகளுக்கு பிறகு டெஸ்டில் ஆடிய ரிஷப் பண்ட் சேப்பாக்கத்தில் சதம் அடித்து சாதித்தார். இதே போல சுப்மன்கில்லும் செஞ்சூரி அடித்தார். தொடக்க வீரர் ஜெய்ஷ்வாலும் நல்ல நிலையில் உள்ளார்.

சென்னையை சேர்ந்த ஆர்.அஸ்வின் முதல் டெஸ்டில் சதம் அடித்ததோடு 6 விக்கெட் வீழ்த்தி வெற்றிக்கு முக்கிய பங்கு வகித்தார். இதேபோல ஜடேஜாவும் ஆல்ரவுண்டர் பணியில் சிறப்பாக செயல்பட்டார். வேகப்பந்து வீச்சில் ஜஸ்பிரித் பும்ரா அணியின் முதுகெலும்பாக உள்ளார். கேப்டன் ரோகித் சர்மா, வீராட் கோலியும் தங்களது பேட்டிங் திறனை வெளிப்படுத்த வேண்டிய நிலையில் உள்ளனர்.

டெஸ்ட் தொடரை இழக்காமல் இருக்க இந்த டெஸ்டில் வெல்ல வேண்டிய நெருக்கடி நஜூமுல் ஹூசைன் ஷான்டே தலைமையிலான வங்காளதேச அணிக்கு இருக்கிறது. பாகிஸ்தானை அதன் சொந்த மண்ணில் 2 டெஸ்டிலும் வீழ்த்திய வரலாறு படைத்த வங்காள தேசத்தால் இந்தியாவில் சாதிக்க முடியவில்லை. அந்த அணி இந்தியாவுக்கு பதிலடி கொடுக்க கடுமையாக போராடும்.

காயத்தில் இருக்கும் ஆல் ரவுண்டர் ஷகீப்-அல்-ஹசன் 2-வது டெஸ்டில் ஆடுவாரா? என்பது உறுதியில்லை. அந்த அணியில் முஷ்பிகுர் ரகீம், கேப்டன் ஹான்டோ, லிட்டன் தாஸ், மெகதிஹசன் மிராஸ், தஜிஜூல் இஸ்லாம் போன்ற சிறந்த வீரர்கள் உள்ளனர்.

இரு அணிகளும் நாளை மோதுவது 15-வது டெஸ்டாகும். இதுவரை நடந்த 14 போட்டியில் இந்தியா 12-ல் வெற்றி பெற்றது. 2 டெஸ்ட் டிரா ஆனது.

இரு அணிகள் இடையே நடந்த 8 டெஸ்ட் தொடரில் இந்தியா 7 தொடரை கைப்பற்றியுள்ளது. 2015-ம் ஆண்டு நடந்த ஒரே ஒரு டெஸ்ட் தொடர் டிரா ஆனது.

காலை 9.30 மணிக்கு தொடங்கும் இந்த டெஸ்ட் போட்டி ஸ்போர்ட்ஸ் 18 மற்றும் ஜியோ சினிமாவில் நேரடியாக ஒளிபரப்பு செய்யப்படுகிறது.

இந்திய அணி வங்கதேச அணிக்கு எதிராக 2 போட்டிகள் கொண்ட டெஸ்ட் தொடர் மற்றும் 3 போட்டிகள் கொண்ட டி20 தொடர்களில் விளையாடி வருகிறது. இதில் இரு அணிகளுக்கும் இடையேயான முதலாவது டெஸ்ட் போட்டியானது சென்னை சேப்பாக்கத்தில் நடைபெற்றது.

இப்போட்டியில் இந்திய அணியானது 280 ரன்கள் வித்தியாசத்தில் வங்கதேச அணியை வீழ்த்தியதுடன், இந்த டெஸ்ட் தொடரிலும் 1-0 என்ற கணக்கில் முன்னிலையும் வகித்து வருகிறது. இதனையடுத்து இவ்விரு அணிகளுக்கும் இடையேயான இரண்டாவது மற்றும் கடைசி டெஸ்ட் போட்டியானது கான்பூரில் உள்ள க்ரீன் பார்க் மைதானத்தில் வரும் 27-ம் தேதி முதல் நடைபெறவுளது.

இரண்டாவது டெஸ்ட் போட்டியில் இந்திய அணியில் எந்த மாற்றங்களும் செய்யப்படாமல் முதல் டெஸ்ட்டில் விளையாடிய அனைத்து வீரர்களும் இடம்பிடித்துள்ளனர்.

இந்நிலையில் இந்திய அணிக்கு எதிரான 2-வது டெஸ்ட் போட்டியில் வங்கதேச அணியின் நட்சத்திர விரர் ஷாகிப் அல் ஹசன் விளையாடுவது சந்தேகம் என்ற தகவல் வெளியாகியுள்ளன. அதன்படி சென்னையில் நடைபெற்று முடிந்த முதல் டெஸ்ட் போட்டியின் போது இந்திய வேகப்பந்து வீச்சாளர் ஜஸ்பிரித் பும்ரா பந்துவீச்சில் ஷாகிப் அல் ஹசன் காயமடைந்தார். இதனால் அவர் இப்போட்டியில் அதிகம் பந்துவீசவும் வரவில்லை.

இதனையடுத்து ஷாகிப் அல் ஹசன தனது காயத்திற்காக சிகிச்சைப் பெற்று வருவதாகவும், அவரது காயத்தை மருத்துவ குழு கண்காணித்து வருவதாகவும், அவர் முழுமையான உடற்தகுதியுடன் இருந்தால் மட்டுமே கான்பூர் டெஸ்டில் விளையாட முடியும் என்றும் தகவல்கள் தெரிவிக்கின்றன.

டெஸ்ட் மற்றும் டி20 போட்டிகளில் விளையாடுவதற்காக வங்கதேசம் அணி இந்தியா வரவுள்ளது. முதலில் டெஸ்ட் தொடரும் அதனை தொடர்ந்து டி20 தொடரும் நடைபெற உள்ளது.

இரு அணிகளுக்கும் இடையேயான முதல் டெஸ்ட் போட்டி வருகிற 19-ந் தேதி சென்னை சேப்பாக்கம் மைதானத்தில் நடைபெறவுள்ளது. அதனை தொடர்ந்து 2-வது டெஸ்ட் போட்டி கான்பூரில் 27-ந் தேதி தொடங்குகிறது.

இந்நிலையில் கான்பூரில் நடக்கும் போட்டியை நடத்த விடாமல் போராட்டம் நடத்த உள்ளதாக மிரட்டல் வந்துள்ளது. இதற்கு திட்டமிட்டப்படி போட்டி எந்தவித எதிர்ப்பும் இன்றி நடைபெறும் என பிசிசிஐ தரப்பில் இருந்து தெரிவிக்கப்பட்டுள்ளது.

மேலும் பிசிசிஐ திட்டங்களில் எந்த மாற்றமும் இல்லை என்றும் கான்பூரில் இரண்டாவது டெஸ்ட் முன்பு அறிவித்தபடி தொடரும் என்றும் தெரிவிக்கப்பட்டுள்ளது. இந்திய கிரிக்கெட் வாரியம் சம்பந்தப்பட்ட அதிகாரிகளுடன் இணைந்து நிலைமையை கண்காணித்து வருவதாகவும் அறிவிக்கப்பட்டுள்ளது.