search icon
என் மலர்tooltip icon
      முகப்பு » slug 95056

      நீங்கள் தேடியது "slug 95056"

      category icon செய்திகள்
      ரன்தீப் சுர்ஜேவாலா
      திருப்பூர்

      மத்திய அரசின் அவசர சட்டங்களுக்கு எதிராக உச்ச நீதிமன்றத்தில் காங்கிரஸ் மனு தாக்கல்

      சிபிஐ, அமலாக்கத்துறை போன்ற அமைப்புகள் சுதந்திரமாக செயல்பட வேண்டும் என்ற நீதிமன்ற உத்தரவுகளை மீறி இந்த அவசர சட்டங்கள் பிறப்பிக்கப்பட்டுள்ளதாக மனுவில் கூறப்பட்டுள்ளது.
      புதுடெல்லி:

      சிபிஐ மற்றும் அமலாக்கத்துறை இயக்குனர்களின் பதவிக்காலத்தை 2 ஆண்டுகளில் இருந்து 5 ஆண்டுகளாக நீட்டித்து மத்திய அரசு அவசர சட்டங்களை பிறப்பித்துள்ளது. இதற்கு காங்கிரஸ் உள்ளிட்ட எதிர்க்கட்சிகள் எதிர்ப்பு தெரிவித்துவருகின்றன.

      இந்நிலையில், சிபிஐ மற்றும் அமலாக்கத்துறை இயக்குனர்களின் பதவிக்காலத்தை நீட்டிக்கும் அவசர சட்டங்களுக்கு எதிராக காங்கிரஸ் பொதுச்செயலாளர் ரன்தீப் சுர்ஜேவாலா உச்ச நீதிமன்றத்தில் வழக்கு தொடர்ந்துள்ளார். அவர் தனது மனுவில் கூறியிருப்பதாவது:-

      சிபிஐ, அமலாக்கத்துறை போன்ற அமைப்புகள் சுதந்திரமாக செயல்படுவதை உறுதி செய்வதற்காக அவ்வப்போது பிறப்பிக்கப்பட்ட நீதிமன்ற உத்தரவுகளை மீறி இந்த அவசர சட்டங்கள் பிறப்பிக்கப்பட்டுள்ளன. அதிகாரிகளின் தெளிவான அதிகார துஷ்பிரயோகத்தை சட்டங்கள் வெளிப்படுத்துகின்றன. எனவே, இந்த சட்டங்களை செயல்படுத்துவதற்கு இடைக்கால தடை விதிக்க வேண்டும்.

      உச்ச நீதிமன்றம்

      இந்த அவசர சட்டங்கள், புலனாய்வு முகமைகளின் மீதான நிர்வாகத்தின் கட்டுப்பாட்டை மீண்டும் உறுதிப்படுத்துகிறது. அவற்றின் சுயாதீன செயல்பாட்டிற்கு விரோதமானது. பாராளுமன்றம் கூடுவதற்கு 15 நாட்களுக்கு முன்னதாக இந்த அவசரச் சட்டங்களை வெளியிடுவதற்கான எந்த அடிப்படை காரணங்களும் இல்லை.

      இவ்வாறு அவர் தனது மனுவில் கூறி உள்ளார்.

      இதேபோல் திரிணாமுல் காங்கிரஸ் கட்சியைச் சேர்ந்த பாராளுமன்ற உறுப்பினர் மோகுவா மொய்த்ராவும் உச்ச நீதிமன்றத்தில் மனு தாக்கல் செய்துள்ளார்.

      சிபிஐ அமலாக்கத்துறை உச்ச நீதிமன்றம் காங்கிரஸ் 
      category icon செய்திகள்
      கேஎஸ் அழகிரி
      சென்னை

      மு.க.ஸ்டாலின் அற்புதமாக செயல்பட்டு மக்களின் நலனை பாதுகாத்து வருகிறார்- கே.எஸ்.அழகிரி பாராட்டு

      கடந்த 6 மாத காலமாக தமிழக முதலமைச்சர் மிக அற்புதமாக செயல்பட்டு தமிழக மக்களின் நலனைப் பாதுகாத்து வருகிறார் என கே.எஸ்.அழகிரி பாராட்டு தெரிவித்துள்ளார்.
      சென்னை:

      தமிழக காங்கிரஸ் தலைவர் கே.எஸ்.அழகிரி வெளியிட்டுள்ள அறிக்கையில் கூறி இருப்பதாவது:-

      கடந்த 1955-ம் ஆண்டில் ராமநாதபுரம் மாவட்டத்தில் கடுமையான வெள்ளப்பாதிப்பு ஏற்பட்டபோது, அன்றைய முதலமைச்சர் காமராஜர் நேரடியாக அந்தப் பகுதிகளுக்குச் சென்று வேட்டியை மடித்துக் கட்டிக் கொண்டு கடுமையாகப் பணியாற்றியதை, எதிர்க்கட்சித் தலைவராக இருந்த அண்ணா பாராட்டியதை எவரும் மறந்திட இயலாது.

      அதைப்போல, இன்றைக்கு தமிழக முதலமைச்சர் பாதிக்கப்பட்ட பகுதிகளுக்கு விரைந்து சென்று நிவாரணப் பணிகளை மேற்கொண்டு வருவதைப் பாராட்ட வேண்டிய கடமையும் பொறுப்பும் எதிர்க்கட்சிகளுக்கு இருக்கிறது.

      சமீபத்தில் வெள்ளத்தால் பாதிக்கப்பட்ட பகுதிகளை ஆய்வு செய்ய முதலமைச்சரால் அனுப்பப்பட்ட அமைச்சர்கள் குழு அறிக்கையை சமர்ப்பித்திருக்கிறது. அந்த அறிக்கையின் அடிப்படையில் அறுவடைக்குத் தயாராக இருந்த பயிர்கள் சேதம் அடைந்ததற்காக விவசாயிகளுக்கு இழப்பீடாக ஒரு ஹெக்டேர் நிலத்துக்கு ரூ.20 ஆயிரம் வழங்குவதாக அறிவித்ததோடு, மறு சாகுபடி செய்திட ரூ.6 ஆயிரம் வழங்கப்பட்டு இருப்பது மிகுந்த பாராட்டுக்குரியது.

      அதேபோல் குறுகிய கால விதைகள், நுண்ணூட்ட உரம் ஆகியவற்றை விவசாயிகளுக்கு வழங்கி, அவர்களது துயரைத் துடைக்கிற பணியில் முதலமைச்சர் ஈடுபட்டு இருக்கிறார். மக்கள் துன்பத்தில் பாதிக்கப்பட்டிருக்கிற போது, எத்தகைய நிவாரணங்களை வழங்க வேண்டுமோ அதை அறிந்து, அதற்கேற்றாற்போல் உதவிகளை அறிவித்து வருகிற முதலமைச்சரின் தொலைநோக்குப் பார்வை அனைவரது பாராட்டையும் பெற்றிருக்கிறது.

      மு.க.ஸ்டாலின் தலைமையிலான ஆட்சியில் மக்களைத் தேடி மருத்துவ திட்டத்தின் மூலமாக 37 லட்சம் பேர் பயனடைந்துள்ளனர். கனமழை பெய்த ஒரு வார காலத்துக்கு அம்மா உணவகத்தின் மூலம் 14 லட்சம் பேருக்கு இலவச உணவு வழங்கப்பட்டிருக்கிறது. இவற்றை எல்லாம் பார்க்கிற போது, கடந்த 6 மாத காலமாக தமிழக முதலமைச்சர் மிக அற்புதமாக செயல்பட்டு தமிழக மக்களின் நலனைப் பாதுகாத்து வருகிறார்.

      முதல்-அமைச்சர் மு.க.ஸ்டாலினின் சீரிய பணிகளை தமிழ்நாடு காங்கிரஸ் சார்பாக பாராட்டுகிறோம், வாழ்த்துகிறோம். அவரது பணி மேலும் சிறப்பாக தொடர கட்சி எல்லைகளை கடந்து அனைவரும் ஒத்துழைப்பு வழங்கினால், தமிழகம் வளர்ச்சிப் பாதையில் பீடு நடைபோடுவதற்கான வாய்ப்பு உருவாகும்.

      இவ்வாறு அதில் கூறப்பட்டுள்ளது.
      KS Alagiri Congress MK Stalin கேஎஸ் அழகிரி காங்கிரஸ் சென்னை மழைKS Alagiri Congress MK Stalin கேஎஸ் அழகிரி காங்கிரஸ் சென்னை மழை Congress MK Stalin கேஎஸ் அழகிரி காங்கிரஸ் Congress MK Stalin கேஎஸ் அழகிரி காங்கிரஸ் Congress MK Stalin கேஎஸ் அழகிரி காங்கிரஸ் Congress MK Stalin கேஎஸ் அழகிரி காங்கிரஸ் Chennai Rains மு.க ஸ்டாலின் 
      category icon செய்திகள்
      ரன்தீப் சுர்ஜேவாலா
      சென்னை

      சிபிஐ, அமலாக்கத்துறை இயக்குனர்கள் பதவிக்காலம் நீட்டிப்பு- காங்கிரஸ் எதிர்ப்பு

      மோடி அரசாங்கம் மக்களால் தேர்ந்தெடுக்கப்பட்ட அரசாங்கங்களை ஸ்திரமின்மை ஆக்குவதற்கு சிபிஐ மற்றும் அமலாக்கத்துறையை பயன்படுத்துவதாக ரன்தீப் சுர்ஜேவாலா குற்றம் சாட்டினார்.
      புதுடெல்லி:

      சிபிஐ மற்றும் அமலாக்கத்துறை இயக்குனர்களின் பதவிக்காலத்தை 5 ஆண்டுகள் வரை நீட்டிக்கும் அவசர சட்டங்களை மத்திய அரசு கொண்டு வந்துள்ளது.  வினீத் நரேன் வழக்கில் உச்ச நீதிமன்றத்தின் உத்தரவுகளை அடுத்து, சிபிஐ மற்றும் அமலாக்கத்துறை இயக்குநர்கள் நியமனம் செய்யப்பட்ட நாளிலிருந்து இரண்டு ஆண்டுகள் நிலையாக அந்த பதவியில் நீடிக்கிறார்கள். தற்போது, கொண்டுவந்துள்ள அவசர சட்டங்களால், கூடுதலாக 3 ஆண்டுகள் வரை பணி நீட்டிப்பு வழங்க முடியும். இந்த நடவடிக்கைக்கு காங்கிரஸ் கட்சி கடும் கண்டனம் தெரிவித்துள்ளது.

      மோடி அரசாங்கம் அனைத்து அதிகாரத்தையும் கைப்பற்றவும், மக்களால் தேர்ந்தெடுக்கப்பட்ட அரசாங்கங்களை ஸ்திரமின்மை ஆக்குவதற்கும் சிபிஐ மற்றும் அமலாக்கத்துறையை உதவியாளர்களாக பயன்படுத்துவதாக காங்கிரஸ் செய்தித் தொடர்பாளர் ரன்தீப் சுர்ஜேவாலா குற்றம் சாட்டினார். 

      எதிர்க்கட்சி தலைவர்களை குறிவைத்து அமலாக்கத்துறை மற்றும் சிபிஐ ரெய்டு நடத்துகிறது. இப்போது, இந்த உதவியாளர்களுக்கு 5 ஆண்டுகள் பதவிக்காலம் வழங்கப்பட்டு, வெகுமதியும் அளிக்கப்படுகிறது. இதன்மூலம் எதிர்ப்புக் குரல்களை அடக்குவதற்கு தீங்கிழைக்கும் வழக்குகள் பதிவு செய்யப்படும் என்றும் சுர்ஜேவாலா கூறி உள்ளார்.

      காங்கிரஸ் கட்சியின் மற்றொரு செய்தித் தொடர்பாளர் மணீஷ் திவாரியும் இந்த அவசர சட்டங்களுக்கு எதிராக கருத்து தெரிவித்துள்ளார். சிபிஐ, அமலாக்கத்துறை இயக்குனர்களின் பதவிக்காலம் நீட்டிப்பு தொடர்பாக கேள்விகளையும் எழுப்பி உள்ளார்.

      சிபிஐ அமலாக்கத்துறை காங்கிரஸ் 
      category icon செய்திகள்
      பிரியங்கா காந்தி
      சென்னை

      உத்தரபிரதேச சட்டசபை தேர்தலில் அனைத்து தொகுதிகளிலும் காங்கிரஸ் போட்டி: பிரியங்கா

      பா.ஜ.க.வுக்கு எதிராக காங்கிரஸ் கட்சிதான் களத்தில் போராடுகிறது. சமாஜ்வாடியோ, பகுஜன் சமாஜ் கட்சியோ அல்ல” என உத்தரபிரதேச மாநில பொறுப்பாளரும், காங்கிரஸ் பொதுச்செயலாளருமான பிரியங்கா காந்தி கூறினார்.
      லக்னோ :

      உத்தரபிரதேச மாநிலத்தில் அடுத்த ஆண்டு தொடக்கத்தில் சட்டசபை தேர்தல் நடக்க உள்ளது. பா.ஜ.க.விடம் இருந்து ஆட்சியைக் கைப்பற்ற காங்கிரஸ் கங்கணம் கட்டிக்கொண்டு செயல்படுகிறது. அந்த மாநில பொறுப்பாளரும், காங்கிரஸ் பொதுச்செயலாளருமான பிரியங்கா காந்தி அங்கு முகாமிட்டு தேர்தல் ஏற்பாடுகளை கவனித்து வருகிறார். அவர் அங்கு அனுப்ஷாகர் என்ற இடத்தில் நேற்று பேசினார்.

      அப்போது அவர், “உத்தரபிரதேச மாநிலத்தில் உள்ள 403 சட்டசபை தொகுதிகளிலும் காங்கிரஸ் போட்டியிடும். அதற்கு கட்சி தயாராகி இருக்கிறது. 40 சதவீத இடங்கள் பெண்களுக்கு அளிக்கப்படும். பா.ஜ.க.வுக்கு எதிராக காங்கிரஸ் கட்சிதான் களத்தில் போராடுகிறது. சமாஜ்வாடியோ, பகுஜன் சமாஜ் கட்சியோ அல்ல” என கூறினார்.

      Priyanka Gandhi UP Assembly Election Congress பிரியங்கா காந்தி உத்தரபிரதேச சட்டசபை தேர்தல் காங்கிரஸ் 
      category icon செய்திகள்
      பாஜக
      சென்னை

      உத்தரபிரதேச சட்டசபை தேர்தல்: 221 இடங்களில் பா.ஜ.க.வுக்கு வெற்றி வாய்ப்பு- கருத்து கணிப்பில் தகவல்

      கடந்த 2017-ம் ஆண்டு நடந்த சட்டசபை தேர்தலில் மொத்தமுள்ள 403 தொகுதிகளில் பா.ஜனதா 325 இடங்களிலும், சமாஜ்வாடி கட்சி 48 இடங்களிலும், பகுஜன் சமாஜ் கட்சி 19 இடங்களிலும், காங்கிரஸ் 7 இடங்களிலும் வெற்றி பெற்றது.
      லக்னோ:

      உத்தரபிரதேச சட்டசபைக்கு அடுத்த ஆண்டு தொடக்கத்தில் தேர்தல் நடைபெற உள்ளது. இங்கு 403 தொகுதிகள் உள்ளன.

      இந்த நிலையில் வாக்காளர்களின் மனநிலையை அறிவதற்காக ஏ.பி.பி. நியூஸ் மற்றும் சி வோட்டர் அமைப்பு சார்பில் நவம்பர் முதல் வாரத்தில் கருத்து கணிப்பு நடத்தப்பட்டது.

      அதன் முடிவு தற்போது வெளியாகி உள்ளன. அதன் விவரம் வருமாறு:-

      கடந்த 2017-ம் ஆண்டு நடந்த உத்தரபிரதேச சட்டசபை தேர்தலில் பா.ஜனதா 41.4 சதவீத வாக்குகளை பெற்று வெற்றி பெற்றது. அப்போது ஆட்சியில் இருந்த சமாஜ்வாடி கட்சி 23.6 சதவீத வாக்குகளை மட்டுமே பெற்றது. பகுஜன் சமாஜ் கட்சிக்கு 22.2 சதவீத வாக்குகள் கிடைத்தது.

      தற்போது நடத்தப்பட்ட கருத்துக்கணிப்பின்படி பா.ஜனதாவுக்கு சாதகமான சூழலே நிலவுகிறது. அந்த கட்சி 213 முதல் 221 இடங்களில் வெற்றி பெற வாய்ப்புள்ளது.

      2017-ம் ஆண்டு முதல் மிகச்சிறிய அளவிலான 0.7 சதவீத வாக்காளர்கள் இடையே மட்டும் பா.ஜனதா மீது அதிருப்தி ஏற்பட்டுள்ளது.

      அகிலேஷ் யாதவ் தலைமையிலான சமாஜ்வாடி கட்சி 152 முதல் 160 தொகுதிகளில் வெற்றி பெற வாய்ப்புள்ளது.

      மாயாவதி தலைமையிலான பகுஜன் சமாஜ் கட்சி சரிவை சந்திக்கும் என்று தெரிவிக்கப்பட்டுள்ளது. அந்த கட்சிக்கு 16 முதல் 20 இடங்களே கிடைக்கும் என்று கணிக்கப்பட்டுள்ளது. பகுஜன் சமாஜ் கட்சியின் சரிவு சமாஜ்வாடி கட்சிக்கு சற்று சாதகமாக அமையும்.

      காங்கிரஸ்

      காங்கிரஸ் பொதுச்செயலாளர் பிரியங்காவின் தீவிர பிரசாரம் வாக்காளர்கள் மத்தியில் சிறிய அளவில் தாக்கத்தை ஏற்படுத்தலாம்.

      காங்கிரஸ் 6 முதல் 10 இடங்களில் வெற்றி பெற வாய்ப்புள்ளது. 2017-ம் ஆண்டு தேர்தலை ஒப்பிடும் போது இந்த முறை காங்கிரஸ் கட்சிக்கு கூடுதலாக 2.6 சதவீத வாக்குகள் கிடைக்கும் என்று தெரியவந்துள்ளது.

      கடந்த 2017-ம் ஆண்டு நடந்த சட்டசபை தேர்தலில் மொத்தமுள்ள 403 தொகுதிகளில் பா.ஜனதா 325 இடங்களிலும், சமாஜ்வாடி கட்சி 48 இடங்களிலும், பகுஜன் சமாஜ் கட்சி 19 இடங்களிலும், காங்கிரஸ் 7 இடங்களிலும் வெற்றி பெற்றது குறிப்பிடத்தக்கது.

      UP Assembly Election BJP Congress உத்தரபிரதேச சட்டசபை தேர்தல் பாஜக காங்கிரஸ் 
      category icon செய்திகள்
      ராகுல் காந்தி
      சென்னை

      காங்கிரஸ் சித்தாந்தத்தை பாஜக மறைக்கிறது: ராகுல் காந்தி குற்றச்சாட்டு

      இந்து மதம் வேறு, இந்துத்வா வேறு. இதுபோன்ற விஷயங்களை தான் நாம் வெளிப்படுத்த வேண்டும். இதை ஆழமாக புரிந்து கொண்ட 100, 200 அல்லது 500 பேரை செயலாக்கத்துக்கு பயன்படுத்த வேண்டும்.
      மும்பை :

      மராட்டிய மாநிலம் வார்தாவில் உள்ள சேவாகிராமம் ஆசிரமத்தில் காங்கிரஸ் கட்சியின் சார்பில் 4 நாள் வழிகாட்டுதல் நிகழ்ச்சி நடந்தது. இந்த நிகழ்ச்சியில் மாநிலம் முழுவதும் இருந்து கட்சி பிரதிநிதிகள் கலந்து கொண்டனர். காணொலி காட்சி மூலம் இந்த நிகழ்ச்சியில் காங்கிரஸ் முன்னாள் தலைவர் ராகுல் காந்தி கலந்து கொண்டு பேசினார். அவர் பேசியதாவது:-

      காங்கிரஸ் சித்தாந்தம் உயிர்ப்புடனும், துடிப்புடனும் உள்ளது. நமது சித்தாந்தம் அழகிய ஆபரணம். அதில் முடிவில்லாத ஆற்றல் உள்ளது. இது தான் நமது பலம். காங்கிரஸ் கட்சியின் அன்பு, பரிவு மற்றும் தேசிய அளவிலான சித்தாந்தத்தை பா.ஜனதா மறைத்துவிட்டது. ஊடகங்களும், தேசமும் முற்றிலுமாக கைப்பற்றப்பட்டுள்ளதால் அது மறைக்கப்பட்டு உள்ளது. இதேபோல நமது மக்களிடம் நாமே நமது கொள்கைகளை தீவிரமாக பரப்பாததாலும் மறைக்கப்பட்டு இருக்கிறது.

      இந்து மதம் வேறு, இந்துத்வா வேறு. இதுபோன்ற விஷயங்களை தான் நாம் வெளிப்படுத்த வேண்டும். இதை ஆழமாக புரிந்து கொண்ட 100, 200 அல்லது 500 பேரை செயலாக்கத்துக்கு பயன்படுத்த வேண்டும்.

      சீக்கியர்கள் அல்லது இஸ்லாமியர்களை இந்து மதம் தாக்குமா?. ஆனால் இந்துத்வாவாதிகள் அதை செய்வார்கள். இந்து மதம் மற்றும் இந்துத்வாவிற்கு வித்தியாசம் உள்ளது என நாங்கள் கூறுகிறோம். நீங்கள் இந்து என்றால் உங்களுக்கு இந்துத்வா ஏன் வேண்டும்?. இந்த புதிய பெயர் உங்களுக்கு எதற்கு?.

      காங்கிரஸ் சித்தாந்தம் இந்தியாவில் ஆயிரம், ஆயிரம் ஆண்டுகளாக இருக்கும். பா.ஜனதா அவர்களின் சித்தாந்தத்தை கண்டறிந்து அதில் உறுதியாக உள்ளனர். நாமும் நமது சித்தாந்தத்தில் உறுதியாக இருக்க வேண்டும். இதை நாம் செய்ய தொடங்கினால், அவர்களின் சித்தாந்தம் உறைபோட்டு மூடப்படும்.

      இவ்வாறு அவர் பேசினார்.

      Rahul Gandhi Congress BJP ராகுல் காந்தி காங்கிரஸ் பாஜக 
      category icon செய்திகள்
      பத்மஸ்ரீ விருது பெறும் கங்கனா ரனாவத்
      சென்னை

      சுதந்திரம் குறித்து சர்ச்சை பேச்சு - கங்கனாவின் பத்மஸ்ரீ விருதை திரும்பப் பெற காங்கிரஸ் வலியுறுத்தல்

      டெல்லி ராஷ்டிரபதி பவனில் நடந்த விழாவில் பாலிவுட் நடிகையான கங்கனா ரனாவத்துக்கு ஜனாதிபதி ராம்நாத் கோவிந்த் பத்மஸ்ரீ விருது வழங்கினார்.
      புதுடெல்லி:

      பத்மஸ்ரீ விருது பெற்ற கங்கனா ரனாவத் தனியார் டி.வி. சேனல் நிகழ்ச்சி ஒன்றில் பங்கேற்றார். அப்போது அவர் பேசுகையில், 1947ல் நம் நாடு பெற்றது சுதந்திரம் அல்ல, பிச்சை. உண்மையான சுதந்திரம் 2014ல் தான் கிடைத்தது என தெரிவித்தார்.

      கங்கனா ரனாவத்தின் இந்த சர்ச்சையான பேச்சுக்கு காங்கிரஸ் உள்பட பல்வேறு தரப்பினரும் கடும் கண்டனம் தெரிவித்து வருகின்றனர்.

      இந்நிலையில், சுதந்திரம்குறித்து அவதூறாகப் பேசிய கங்கனா ரனாவத்தின் பத்மஸ்ரீ விருதை திரும்பப் பெற வேண்டும் என காங்கிரஸ் கட்சி வலியுறுத்தியுள்ளது.

      இதுதொடர்பாக காங்கிரஸ் கட்சியின் மூத்த தலைவரும், முன்னாள் மத்திய மந்திரியுமான ஆனந்த் சர்மா கூறியதாவது:ஆனந்த் சர்மா



      கங்கனா ரனாவத் 1947ல் கிடைத்த சுதந்திரத்தை அவமரியாதையாகப் பேசியுள்ளார். எனவே, சமீபத்தில் அவருக்கு வழங்கப்பட்ட பத்மஸ்ரீ விருதை ஜனாதிபதி ராம்நாத் கோவிந்த் திரும்பப் பெற வேண்டும்.

      மேலும், இந்த விஷயம் குறித்து பிரதமர் நரேந்திர மோடி மவுனம் கலைக்க வேண்டும். அவர் இத்தகைய கருத்துக்களை ஆதரிக்கிறாரா என தெரியப்படுத்த வேண்டும். சுதந்திரத்தை அவமரியாதையாகப் பேசிய கங்கனா ரனாவத் மீது அரசு உரிய நடவடிக்கை எடுக்க வேண்டும் என வலியுறுத்தியுள்ளார்.

      PadmaShree Kangana Ranaut Congress பத்மஸ்ரீ கங்கனா ரனாவத் காங்கிரஸ் 
      category icon செய்திகள்
      கன்னியாகுமரி மாணவிகளுடன் கலந்துரையாடிய ராகுல்காந்தி
      திருவண்ணாமலை

      நான் பிரதமர் ஆனால் பெண்களுக்கு தனி இட ஒதுக்கீடு - ராகுல்காந்தி

      கன்னியாகுமரி மாணவிகளுடன் கலந்துரையாடிய ராகுல்காந்தி குழந்தைகள் பணிவுடன் நடந்து கொள்ள வேண்டும், அந்த பணிவு அவர்களுக்கு நல்ல புரிதலை உருவாக்கும் என்று கூறினார்.

      புதுடெல்லி:

      காங்கிரஸ் முன்னாள் தலைவர் ராகுல்காந்தி தமிழக சட்டசபை தேர்தலுக்கு முன்பாக கன்னியாகுமரி மாவட்டத்தில் சுற்றுப்பயணம் செய்தார்.

      அப்போது முளகுமூடு ஜோசப் மெட்ரிக் மேல்நிலை பள்ளி மாணவிகளுடன் கலந்து ரையாடினார். மேடையில் ராகுல்காந்தி தண்டால் எடுத்து தனது திறமையை வெளிப்படுத்தினார்.

      இந்த வீடியோ காட்சி சமூவலைதளங்களில் வைரலாக பரவியது. அந்த மாணவிகளில் சிலரை ராகுல் காந்தி டெல்லிக்கு வரவழைத்து தனது வீட்டில் தீபாவளி விருந்து வழங்கினார்.

      அப்போது அவர்களுடன் கலந்துரையாடினார். இந்த வீடியோ காட்சிகள் சிலவற்றை ராகுல்காந்தி டுவிட்டர் தளத்தில் வெளியிட்டுள்ளார். அதில் ஒரு வீடியோவில் மாணவி ஒருவர், ‘‘நீங்கள் பிரதமரானால் முதலாவதாக என்ன உத்தரவு பிறப்பிப்பீர்கள்?’’ என்று ராகுல்காந்தியிடம் கேட்டார்.

      அதற்கு ராகுல்காந்தி, ‘‘பெண்களுக்கு தனி இட ஒதுக்கீடு வழங்குவேன்’’ என்று கூறினார்.

      மற்றொரு மாணவி, ‘‘குழந்தைகளுக்கு நீங்கள் என்ன சொல்ல விரும்புகிறீர்கள்?’’ என்று கேட்டார். அதற்கு ராகுல்காந்தி, ‘‘குழந்தைகள் பணிவுடன் நடந்து கொள்ள வேண்டும், அந்த பணிவு அவர்களுக்கு நல்ல புரிதலை உருவாக்கும் என்று கூறுவேன்’’ என்றார்.

      மேலும் ராகுல்காந்தி கூறும்போது, ‘‘தீபாவளி நிகழ்ச்சி என்பது மிகவும் முக்கியத்துவம் வாய்ந்தது. பல்வேறு கலாச்சாரத்தின் சங்கமம்தான் நமது நாட்டின் வலுவான சக்தியாக இருக்கிறது. இதை நாம் எப்போதும் காப்பாற்ற வேண்டும்’’ என்று கூறினார்.

      இந்த விருந்தின் இடைவெளி நேரத்தில் பிரியங்காவும் அங்கு வந்தார். அவர் அந்த மாணவிகளுக்கு தீபாவளி வாழ்த்துக்கள் தெரிவித்தார்.

      பிரியங்கா காந்தி

      பின்னர் ராகுல்காந்தியிடம், ‘‘பிரியங்கா விவசாயிகள் போராட்டத்தில் ஆதரவு தெரிவித்து பங்கேற்றது குறித்து என்ன கூறுகிறீர்கள்?’’ என்று கேட்டதற்கு, ‘‘விவசாயிகளோடு நாங்களும் இருக்கிறோம் என்பதை அவரது பங்கேற்பு காட்டியது’’ என்றார்.

      இதையும் படியுங்கள்...சென்னையில் 2015-க்குப்பின் அதி கனமழை: 23 செ.மீட்டர் அளவு கொட்டித் தீர்த்தது

      Rahul Gandhi Congress ராகுல் காந்தி காங்கிரஸ் 
      category icon செய்திகள்
      ராகுல் காந்தி
      திருப்பூர்

      வரும் காலங்களில் பயம் இல்லாமல் தேர்தல் பணிகளை செய்யுங்கள் - ராகுல்காந்தி அழைப்பு

      அடுத்த ஆண்டு தொடக்கத்தில் உத்தரபிரதேசம், உத்தரகாண்ட், பஞ்சாப், மணிப்பூர், கோவா ஆகிய 5 மாநிலங்களில் சட்டசபை தேர்தல் நடைபெற உள்ளது.

      புதுடெல்லி:

      13 மாநில இடைத்தேர்தலில் காங்கிரஸ் ஓரளவு தொகுதிகளை கைப்பற்றி உள்ளது.

      காங்கிரஸ் கட்சிக்கு 8 சட்டசபை தொகுதிகளும், ஒரு எம்.பி. தொகுதியும் கிடைத்துள்ளது. இவ்வளவு காலமும் தோல்வியையே பிரதானமாக கொண்டு இருந்த காங்கிரசுக்கு இது ஒரு ஆறுதலாக கருதப்படுகிறது.

      அடுத்த ஆண்டு தொடக்கத்தில் உத்தரபிரதேசம், உத்தரகாண்ட், பஞ்சாப், மணிப்பூர், கோவா ஆகிய 5 மாநிலங்களில் சட்டசபை தேர்தல் நடைபெற உள்ளது.

      அது காங்கிரசுக்கு சாதகமாக அமையுமா? என்ற கேள்வி எழுந்துள்ள நிலையில் இடைத்தேர்தலில் கிடைத்துள்ள சில வெற்றி காங்கிரசுக்கு உற்சாகத்தை ஏற்படுத்தி இருக்கிறது.

      இது சம்பந்தமாக காங்கிரஸ் முன்னாள் தலைவர் ராகுல்காந்தி டுவிட்டரில் வெளியிட்டுள்ள செய்தியில், “காங்கிரசுக்கு கிடைத்துள்ள இந்த வெற்றி தொண்டர்களுக்கு கிடைத்த வெற்றி. அனைத்து வெற்றிகளையும் தொண்டர்களின் வெற்றியாக கருதுகிறோம். எந்தவித அச்சமும், வெறுப்புணர்வும் இல்லாமல் தொடர்ந்து தொண்டர்கள் போராட வேண்டும்” என்று கூறியுள்ளார்.

      செய்தி தொடர்பாளர் ரன்தீப் சூரஜ்வாலா வெளியிட்டுள்ள செய்தியில், “3 எம்.பி. தொகுதிகளில் 2 தொகுதிகளை பா.ஜனதா இழந்துள்ளது. இமாச்சலபிரதேசம், ராஜஸ்தான், கர்நாடகா, மராட்டியம் ஆகியவற்றில் பா.ஜனதாவுடன் காங்கிரஸ் நேருக்கு நேர் மோதியதில் காங்கிரஸ் அதிக இடங்களில் வெற்றி பெற்று இருக்கிறது.

      ரன்தீப் சூரஜ்வாலா

      மோடி ஆட்சியை விட்டு வெளியேறும் காலம் வந்து விட்டது. அவர் கொண்டு வந்த கறுப்பு சட்டங்களை திரும்ப பெற வேண்டும். பெட்ரோல், டீசல், சமையல் கியாசில் கொள்ளையடிப்பதை நிறுத்த வேண்டும்” என்று கூறி உள்ளார்.

      இதையும் படியுங்கள்...தமிழகத்தில் 5 நாட்களுக்கு கனமழை எச்சரிக்கை - வானிலை மையம் அறிவிப்பு

      Rahul Gandhi Congress ராகுல் காந்தி காங்கிரஸ் 
      category icon செய்திகள்
      சித்தராமையா
      சென்னை

      2023-ம் ஆண்டு சட்டசபை தேர்தலில் காங்கிரஸ் வெற்றி பெறும்: சித்தராமையா நம்பிக்கை

      நான் முதல்-மந்திரியாக வேண்டும் என்று கட்சியின் தலைவர்கள் யார் வேண்டுமானாலும் கூறலாம். ஆனால் கட்சி எம்.எல்.ஏ.க்கள் முடிவு மற்றும் மேலிடத்தின் முடிவே இறுதியானது என சித்தராமையா கூறியுள்ளார்.
      பெங்களூரு :

      கர்நாடக சட்டசபை எதிர்க்கட்சி தலைவர் சித்தராமையா இடைத்தேர்தல் முடிவு குறித்து பெங்களூருவில் நேற்று நிருபர்களுக்கு பேட்டி அளிக்கையில் கூறியதாவது:-

      முதல்-மந்திரி பசவராஜ் பொம்மையின் சொந்த மாவட்டத்தில் உள்ள ஹனகல் தொகுதியில் பா.ஜனதா தோல்வி அடைந்துள்ளது. அவர் மண்ணின் மகன் என்று உணர்வுபூர்வமாக பேசினார். ஆனால் மக்கள் அவரது பேச்சை நிராகரித்துவிட்டனர். அந்த தொகுதியில் காங்கிரஸ் வேட்பாளரை வெற்றி பெற வைத்துள்ளனர். எடியூரப்பா மற்றும் அவரது மகன் ஆகியோர் 2 தொகுதிகளிலும் தீவிரமாக பிரசாரம் செய்தனர்.

      அனைத்து மந்திரிகளும் அந்த தொகுதியில் தங்கி ஓட்டு சேகரித்தனர். ஆனால் மக்கள் காங்கிரசை ஆதரித்துள்ளனர். இதன் மூலம் கர்நாடகத்தில் மக்கள் மாற்றத்தை விரும்புகிறார்கள் என்பது தெளிவாக தெரிய வந்துள்ளது. எடியூரப்பா ஆட்சியில் நீடித்து இருந்தாலும் இடைத்தேர்தல் முடிவு இவ்வாறு தான் வந்திருக்கும். பிரதமர் மோடியின் மக்கள் செல்வாக்கு குறைந்து வருகிறது.

      பா.ஜனதா எந்தவிதமான வளர்ச்சி பணிகளையும் மேற்கொள்ளவில்லை. வருகிற 2023-ம் ஆண்டு நடைபெறும் சட்டசபை தேர்தலில் காங்கிரஸ் வெற்றி பெறுவது உறுதி. நான் முதல்-மந்திரியாக வேண்டும் என்று கட்சியின் தலைவர்கள் யார் வேண்டுமானாலும் கூறலாம். ஆனால் கட்சி எம்.எல்.ஏ.க்கள் முடிவு மற்றும் மேலிடத்தின் முடிவே இறுதியானது.

      ஹனகல் தொகுதியில் ஜனதா தளம் (எஸ்) கட்சி டெபாசிட் இழந்துள்ளது. தேவேகவுடா 10 நாட்கள் 2 தொகுதிகளிலும் பிரசாரம் மேற்கொண்டார். அவர் அனுபவம் வாய்ந்த தலைவர். அவரது கட்சிக்கு ஏற்பட்ட தோல்விக்கான காரணம் என்ன என்பதை அவரிடம் தான் நீங்கள் கேட்க வேண்டும். சிறுபான்மையின மக்கள் ஜனதா தளம் (எஸ்) கட்சியை நம்பவில்லை. அந்த கட்சி ஒரு சந்தர்ப்பவாத கட்சி என்பது அவர்களுக்கு தெரியும்.

      மக்களின் பிரச்சினைகள்

      இந்த மாத இறுதிக்குள் பெலகாவியில் சட்டசபையின் குளிர்கால கூட்டத்தொடரை கூட்ட வேண்டும். கடந்த 3 ஆண்டுகளாக அங்கு சட்டசபை கூட்டத்தொடர் நடக்கவில்லை. வட கர்நாடக மக்களின் பிரச்சினைகள் குறித்து பேச வேண்டும் என்ற நோக்கத்தில் தான் அங்கு சுவா்ண சவுதா கட்டப்பட்டது. பிட்காயின் வழக்கில் ஸ்ரீகிருஷ்ணா என்பவரை போலீசார் கைது செய்துள்ளனர். இதில் தொடர்புடைய அரசியல்வாதிகள் யார் என்பதை முதல்-மந்திரி கூற வேண்டும்.

      இவ்வாறு சித்தராமையா கூறினார்.
      Siddaramaiah Assembly Election Congress சித்தராமையா சட்டசபை தேர்தல் காங்கிரஸ் 
      category icon செய்திகள்
      காங்கிரஸ்
      சென்னை

      மோடி ஆணவத்தை கைவிட வேண்டும்: காங்கிரஸ் கட்சி கருத்து

      இடைத்தேர்தல் முடிவுகளைப் பார்த்து, மோடி ஆணவத்தை கைவிட வேண்டும், 3 கருப்பு சட்டங்களை (வேளாண் சட்டங்கள்) ரத்து செய்ய வேண்டும் என கூறி உள்ளார்.
      புதுடெல்லி :

      3 நாடாளுமன்ற மக்களவை தொகுதிகளுக்கும், 30 சட்டசபை தொகுதிகளுக்கும் நடைபெற்ற தேர்தலில் எதிர்க்கட்சிகள் கணிசமான வெற்றியை பெற்றுள்ளன.

      இதையொட்டி காங்கிரஸ் கட்சி தலைமை செய்தி தொடர்பாளர் ரன்தீப் சுர்ஜிவாலா கருத்து தெரிவித்துள்ளார்.

      அவர் டுவிட்டரில் வெளியிட்ட பதிவில், “இடைத்தேர்தல் முடிவுகளைப் பார்த்து, மோடி ஆணவத்தை கைவிட வேண்டும், 3 கருப்பு சட்டங்களை (வேளாண் சட்டங்கள்) ரத்து செய்ய வேண்டும். பெட்ரோல், டீசல் கொள்ளையை நிறுத்த வேண்டும்’’ என கூறி உள்ளார்.
      Congress BJP ByElection PM Modi காங்கிரஸ் இடைத்தேர்தல் பாஜக பிரதமர் மோடி 
      category icon செய்திகள்
      கோப்புப்படம்
      மதுரை

      இடைத்தேர்தல்: இமாச்சல பிரதேசத்தில் பா.ஜனதாவுக்கு மிகப்பெரிய சறுக்கல்

      இமாச்சல பிரதேச மாநிலத்தில் காலியாக இருந்த சட்டசபை தொகுதிகளுக்கு நடைபெற்ற தேர்தலில், காங்கிரஸ் கட்சி மூன்று தொதியிலும் வெற்றி பெற்றுள்ளது.
      இந்தியா முழுவதும் காலியாக இருந்த 3 பாராளுமன்ற தொகுதிகள், 30 சட்டமன்ற தொகுதிகளுக்கான இடைத்தேர்தல் கடந்த 30-ந்தேதி நடைபெற்றது. இன்று வாக்குகள் எண்ணப்படும் என அறிவிக்கப்பட்டது. அதன்படி இன்று வாக்குகள் எண்ணப்பட்டு வருகின்றன.

      இமாச்சல பிரதேசத்தில் ஒரு பாராளுமன்ற தொகுதிக்கும், மூன்று சட்டசபை தொகுதிகளுக்கும் இடைத்தேர்தல் நடைபெற்றது. வாக்கு எண்ணிக்கை தொடங்கியதில் இருந்தே ஆளுங்கட்சியான பா.ஜனதாவுக்கு அதிர்ச்சி அளிக்கும் வகையில் காங்கிரஸ் கட்சி மூன்று சட்டசபை தொகுதிகள், ஒரு பாராளுமன்ற தொகுதியில் முன்னணி பெற்று வந்தது.

      ஆர்கி தொகுதியில் பா.ஜனதா வேட்பாளரை விட காங்கிரஸ் வேட்பாளர் சுமார் 3 ஆயிரம் வாக்குகள் முன்னணி பெற்று வெற்றியை உறுதி செய்துள்ளார். அதேபோல் ஃபத்தேஹ்பூர் தொகுதியில் காங்கிரஸ் வேட்பாளர் சுமார் 6 ஆயிரம் வாக்குகள் முன்னணி பெற்றுள்ளார்.

      ஜுப்பால்-கோதை  தொகுதியில் காங்கிரஸ் வேட்பாளர் 27 ஆயிரம் வாக்குகள் பெற்று முன்னணி உள்ளார். இந்த மூன்று தொகுதிகளிலும் காங்கிரஸ் கட்சியின் வெற்றி உறுதியாகியுள்ளது. அதேபோல் மந்தி பாராளுமன்ற தொகுதியிலும் காங்கிரஸ் வேட்பாளர் வெற்றி முகத்தில் உள்ளார்.

      இமாச்சல பிரதேசத்தில் கடந்த 2017-ம் ஆண்டு சட்டசபை தேர்தல் நடைபெற்றது. அப்போது 68 இடங்களில் பா.ஜனதா 43 இடங்களை கைப்பற்றி ஆட்சி அமைத்தது. காங்கிரஸ் கட்சிக்கு 22 இடங்கள் கிடைத்தன. தற்போது இடைத்தேர்தலில் காங்கிரஸ் மூன்று தொகுதிகளிலும் வெற்றி பெற்றிருப்பது பா.ஜனதாவுக்கு மிகப்பெரிய சறுக்கல் எனக் கருதப்படுகிறது.
      இடைத்தேர்தல் பா.ஜனதா காங்கிரஸ் 
      ×
        X
        sidekick