நீங்கள் தேடியது "முட்டை"

நாமக்கல்:

நாமக்கல் மண்டலத்தில் முட்டை விலை ஏற்ற இறக்கமாக உள்ளது. இந்த மாத தொடக்கத்தில் முட்டை விலை ரூ.4.55 ஆக இருந்தது. பின்பு 5-ந்தேதி ரூ.4.65 ஆகவும், 7-ந்தேதி விலை ரூ.4.70 ஆகவும் இருந்தது. பின்பு விலை குறைந்து 11-ந்தேதி ரூ.4.55 ஆனது.

அதன்பிறகு 16-ந்தேதி ரூ.4.60 ஆகவும், 18-ந்தேதி ரூ.4.65 ஆகவும் உயர்ந்தது. இந்த நிலையில் நுகர்வு குறைவு, வெளி மாநிலத்தில் முட்டை விலை சரிவு காரணமாக இன்று முட்டை விலை 15 காசுகள் குறைந்து ரூ4.50 ஆக விலை நிர்ணயம் செய்யப்பட்டுள்ளது.

பிற மண்டலங்களில் முட்டை விலை ஆமதாபாத்-ரூ.4.75, சென்னை-ரூ.4.90, சித்தூர்-ரூ.4.83, மும்பை-ரூ.4.85, மசூரு-ரூ,.4.55 ஆக உள்ளது.

நாமக்கல்:

நாமக்கல் மண்டலத்தில் கடந்த சில நாட்களாகவே முட்டை விலை ஏற்ற, இறக்கமாக உள்ளது. இந்த மாத தொடக்கத்தில் ரூ.4.55 ஆக இருந்த முட்டை விலை பின்பு ரூ.4.65 ஆகவும், தொடர்ந்து ரூ.4.70 ஆகவும் உயர்ந்தது.

கடந்த 11-ந்தேதி முட்டை விலை 15 காசுகள் குறைந்து ரூ.4.55 ஆனது. பின்னர் கடந்த 15-ந்தேதி 5 காசுகள் உயர்ந்து ரூ.4.60 ஆனது. இன்று விலை மேலும் 5 காசு அதிகரித்து ரூ.4.65 என நிர்ணயிக்கப்பட்டு உள்ளது.

மற்ற மண்டலங்களில் முட்டை விலை ஆமதாபாத்தில் ரூ.4.75, பெங்களூருவில் ரூ.4.70, சென்னையில் ரூ.4.90, மும்பையில் ரூ.5.09, மைசூரில் ரூ.4.65 ஆகவும் உள்ளது.

தொடர் மழையால் ஏற்பட்ட சீதோஷ்ண நிலை காரணமாக முட்டை உற்பத்தி குறைந்ததாலும், கார்த்திகை மாதம் அய்யப்ப சீசன் தொடங்கியதாலும் விலை உயர்ந்துள்ளதாக கோழிப்பண்ணையாளர்கள் தெரிவித்தனர்.

நாமக்கல்:

நாமக்கல் மண்டலத்தில் முட்டை விலை ரூ. 4.65 ஆக இருந்தது. இந்த நிலையில் தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவர் செல்வராஜ் தலைமையில் நடைபெற்றது. இதில், முட்டை விலை நிர்ணயம் குறித்து பண்ணையாளர்களிடம் ஆலோசிக்கப்பட்டது.

முட்டையின் தேவை அதிகரித்துள்ளதாலும், மற்ற மண்டலங்களிலும் விலை உயர்த்தப்பட்டுள்ளதாலும், இங்கும் விலையை உயர்த்த வேண்டும் என வலியுறுத்தப்பட்டது. இதனைத் தொடர்ந்து, முட்டையின் பண்ணைக் கொள்முதல் விலை 5 காசுகள் உயர்வுடன் ரூ. 4.70 என நிர்ணயிக்கப்பட்டது.

தினமும் முட்டை சாப்பிடுவது சரியா? என்று சிலருக்குத் தயக்கம் இருக்கும். ஆனால் தினமும் தயங்காமல் முட்டை சாப்பிடலாம் என்கின்றனர் உணவியல் நிபுணர்கள். குறிப்பாக வளரும் குழந்தைகள் தினமும் ஒரு முட்டை வெள்ளைக்கரு மற்றும் மஞ்சள் கரு இரண்டையும் சேர்த்து சாப்பிடுவது மிகவும் ஆரோக்கியமானது என்று மருத்துவர்கள் பரிந்துரைக்கின்றனர்.

வைட்டமின் ஏ, பி, சி என உடலுக்குத் தேவையான அனைத்து வகையான வைட்டமின்களும் இதில் இருக்கின்றது. மேலும் பற்கள் மற்றும் எலும்புகளின் ஆரோக்கியத்துக்கு தேவைப்படும் பாஸ்பரஸ் போன்றவையும் முட்டையில் இருக்கின்றது.


பொதுவாக முட்டையின் வெள்ளைக் கருவை மட்டும் சாப்பிடுவதாக இருந்தால் 3 அது நான்கு முட்டைகள் வரை சாப்பிடலாம். இரவு நேரத்தில் முட்டை சாப்பிடுவதில் தவறில்லை, ஆனால் தூங்கப் போவதற்கு 2 மணி நேரத்துக்கு முன்பாக சாப்பிட வேண்டும். மஞ்சள் கருவையும் சேர்த்து முட்டைகளை அதிகமாக சாப்பிடுபவர்களின் உடலில் கொழுப்புச் சத்து அளவு அதிகமாகி, இதய நோய்கள் வரக்கூடும். எனவே மஞ்சள் கரு சாப்பிடுவதை குறைத்துக்கொள்வது நல்லது.

உடற்பயிற்சிகள் செய்துவிட்டு அதன் பின்னர் முட்டை சாப்பிடுவது, உடல் வலிமையைக் அதிகரிக்கும். உடலில் ஏற்கனவே கொலஸ்ட்ரால் தொந்தரவு இருப்பவர்கள் வெள்ளைக் கருவை மட்டும் சாப்பிட வேண்டும்.

சர்க்கரை நோய் இருப்பவர்கள், தினமும் இரண்டு முட்டைகளின் வெள்ளைக்கருவை உட்கொள்ளலாம். அதிக உடல் எடை கொண்டவர் வாரத்தில் ஒன்று அல்லது இரண்டு முட்டைகளின் வெள்ளைக்கருவை சாப்பிடலாம்.

இன்று(அக்டோபர் 12-ந்தேதி)உலக முட்டை தினம்.

காலங்காலமாக உணவுத்தேவையை பூர்த்தி செய்யும் உணவில் முட்டைக்கு தனி இடம் உண்டு. முட்டை முற்றிலும் சத்து வாய்ந்த உணவு என்பது மருத்துவரீதியாக ஒப்புக்கொள்ளப்பட்டு இருக்கும் உண்மை. ஞாபக சக்தி மேம்படவும், மூளை மற்றும் தசை வளர்ச்சிக்கும், நோய் எதிர்ப்பு சக்திக்கும், பார்வை திறனுக்கும் முட்டை பல விதங்களில் உதவுகிறது. முட்டையின் நன்மைகளைப் பரவலாகத் தெரியப்படுத்துவதற்காகவும் மனிதர்களின் வாழ்க்கையில் முட்டையின் சத்து குறித்து விழிப்புணர்வை ஏற்படுத்தும் வகையிலும் இந்த தினம் கொண்டாடப்படுகிறது.

உடலுக்கு தேவையான அனைத்து வைட்டமின்களும், குறிப்பாக வைட்டமின்கள் ஏ, பி12, பி2, பி5 முதலியவை உள்ளன. மேலும் கோலின் போன்ற கனிமச்சத்துகளும் முட்டையில் நிறைந்துள்ளன. முட்டை சத்துகளின் தொகுப்பாகும். வளரும் குழந்தைகள் தினமும் ஒரு முட்டை சாப்பிட வேண்டும் என்று மருத்துவர்கள் பரிந்துரைக்கின்றனர்.

வைட்டமின் ‘டி’யைத் தரும் உணவுகளில் இதன் மஞ்சள் கருவும் ஒன்று. கொழுப்புச் சத்துகளின் இருப்பிடமாக மஞ்சள் கரு இருப்பதால் அதை அதிகம் எடுத்துக் கொள்ளக் கூடாது என்று மருத்துவர்கள் கூறுகின்றனர். முட்டை சாப்பிடுவதால் இதய நோய், பக்கவாத நோய் வருவதில்லை. இருப்பினும் இதய நோயாளிகள் சர்க்கரை நோயாளிகள் முட்டையை தவிர்ப்பது நல்லது. அவர்கள் ஒரு நாளைக்கு 2, 3 முட்டைகளின் வெள்ளைக் கருவை எடுத்துச் சாப்பிடலாம்.


இயற்கையாகவே முட்டைகளுக்கு பாதுகாப்பு கவசமுள்ளது. எனினும் அது எளிதில் உடையக்கூடியது. முட்டைகளை வாங்கும் போது நல்ல முட்டைகளாக ரத்தக்கறை இல்லாத முட்டைகளாக பார்த்து வாங்க வேண்டும். ஓடு உடைந்த முட்டைகளை வாங்க கூடாது. ஓடு உடைந்த முட்டை 2 அல்லது 3 மணி நேரத்திற்குள் கெட்டுவிடும். நிஜ முட்டைக்கும் போலி முட்டைக்கும் உள்ள வேறுபாடு என்னவென்றால் போலி முட்டையின் ஓடு பார்ப்பதற்கு பள பள வென்று இருக்கும். தொட்டு பார்த்தால் சிறிது சொர, சொரப்பாக இருக்கும். உண்மையான முட்டை இறைச்சி வாசனைத்தரும். போலி முட்டையில் எந்தவித வாசனையும் இருக்காது. போலி முட்டையை உடைத்த உடனேயே மஞ்சள் கருவும், வெள்ளைக்கருவும் ஒன்றாக கலந்து விடும்.

முட்டைகளை குளிர் சாதனப் பெட்டியின் உள்அறையில் தான் வைக்க வேண்டும். இதன் மூலம் நிலையான மற்றும் குளிர் வெப்ப நிலையை பராமரிக்க முடியும். குளிர் சாதனப் பெட்டியின் கதவில் வைக்கும்போது வெப்ப நிலை மாற்றத்தின் காரணமாக முட்டையின் தரம் கெட்டு போக வாய்ப்புள்ளது. அதை உபயோகிக்கும் போது உடலில் சிறு சிறு பாதிப்புகள் ஏற்படுவதை தவிர்க்க முடியாது. முட்டைகளை மண் பானையில் வைப்பது சிறந்தது.

குழந்தைகள், கர்ப்பிணி பெண்கள், வயதானவர்கள் முட்டைகளை பச்சையாக குடிக்கக்கூடாது. அது பாக்டீரியல் பாதிப்புகளை ஏற்படுத்தும் என்பதால் வேக வைத்த முட்டையை சாப்பிடலாம். நாட்டுக்கோழி முட்டைக்கும், பிராய்லர் கோழி முட்டைக்கும் எந்த வித்தியாசமும் கிடையாது. இரண்டுக்கும் சத்து ஒன்று தான். நடை முறையில் குழந்தைகளுக்கு இரும்புச்சத்து நிறைந்த ஒரு முழு உணவாக முட்டை திகழ்கிறது.

முட்டைகளை நன்றாக அவித்து சாப்பிட வேண்டும். இல்லாவிட்டால் அது குழந்தைகளுக்கு ஒவ்வாமையை ஏற்படுத்தும். இது போன்ற விஷயங்களில் பெற்றோர் கவனமாக இருப்பது அவசியம்.உலக அளவில் முட்டைக்கான சந்தையில் கோழிமுட்டை மட்டுமின்றி வாத்து, காடை, கவுதாரி போன்றவற்றின் முட்டைகளும் பிரபலமானவை. இந்தியா முட்டை உற்பத்தியில் 3-வது இடத்தில் உள்ளது.

ரம்யா ராமச்சந்திரன்,

ஊட்டச்சத்தியல் நிபுணர்

அனைவரும் விரும்பி சாப்பிடும் முட்டையில் அதிக அளவிலான புரதச்சத்து நிறைந்துள்ளது. பொரித்த முட்டையை காட்டிலும் அரை வேக்காடு ஹாஃப் பாயில் முட்டையை உட்கொள்ளுதலே நன்மையை அளிக்கும். அதற்கு காரணம் அதிலுள்ள ரிபோஃப்ளேவின் மற்றும் செலீனியம்.

அதிக அளவிலான புரதத்தை கொண்டுள்ள முட்டை கலோரிகளை அதிகரிப்பதில்லை. பொரித்த முட்டை போன்ற இதர முட்டை வகைகளுடன் ஒப்பிடுகையில் அரை வேக்காடு முட்டையில் கலோரிகளின் அளவு குறைவே. அரை வேக்காடு முட்டையில் 78 கலோரிகளும் மற்றும் 5.3 கிராம் கொழுப்புகளும் மட்டுமே அடங்கியுள்ளது.

அரை வேக்காடு முட்டையில் கார்போஹைட்ரேட்ஸ், வைட்டமின்கள் மற்றும் கனிமங்கள் அடங்கியுள்ளது. வலுவற்ற நோய் எதிர்ப்பு சக்தியை கொண்டுள்ள கர்ப்பிணி பெண்கள், குழந்தைகள் மற்றும் பெரியவர்கள் இதனை தவிர்க்க வேண்டும். வலுவான உடல்நலத்தை கொண்டுள்ளவர்களுக்கு தான் அரை வேக்காடு முட்டை ஆரோக்கியத்தை அளிக்கும். நாம் பொரித்த முட்டை சாப்பிடுவதை விட அரைவேக்காடு முட்டையை சாப்பிட்டால் ஆரோக்கியம் கிடைக்கும்.

நாமக்கல்:

நாமக்கல் மண்டலத்தில் நாள்தோறும் 3½ கோடி முட்டைகள் கோழிப்பண்ணைகளில் உற்பத்தி செய்யப்பட்டு வருகிறது. இங்கிருந்து தமிழகத்தின் பிற மாவட்டங்கள் மட்டுமின்றி கேரளா, கர்நாடகா, ஆந்திரா உள்பட பல்வேறு மாநிலங்களுக்கு தினசரி லாரிகள் மூலம் முட்டைகள் அனுப்பி வைக்கப்படுவது வழக்கம்.

இதற்கிடையே கேரளா மாநிலத்திற்கு அனுப்பி வைக்கப்பட்டு வந்த முட்டைகளை தற்போது அங்கு பெய்து வரும் தொடர்மழை காரணமாக நாமக்கல்லில் இருந்து அனுப்பி வைக்க முடியாத நிலை ஏற்பட்டு உள்ளது. மேலும் வெள்ள பாதிப்பு காரணமாக ஏற்கனவே அனுப்பி வைக்கப்பட்ட முட்டைகளும் சம்பந்தப்பட்ட இடங்களில் இறக்கப்படாமல் ஆங்காங்கே லாரிகளிலேயே இருப்பதாகவும் கூறப்படுகிறது.

இது குறித்து தமிழ்நாடு கோழிப்பண்ணையாளர்கள் சங்க தலைவர் சின்ராஜ் கூறியதாவது:-

கேரள மாநிலத்தில் பெரும்பாலான இடங்களில் தொடர் மழை காரணமாக ஏற்பட்டு உள்ள வெள்ள பாதிப்பால் நாமக்கல்லில் இருந்து கேரளாவிற்கு அனுப்பப்பட வேண்டிய முட்டைகள் நாளுக்கு நாள் தேக்கம் அடைந்து வருகின்றன. நாமக்கல்லில் இருந்து கேரளாவிற்கு நாள் ஒன்றுக்கு அனுப்பி வைக்கப்பட்டு வந்த 1 கோடி முட்டைகளில் 20 லட்சம் முட்டைகள் மட்டுமே தற்போது கொண்டு செல்லப்படுகிறது.

வடக்கு கேரளாவை தவிர வேறு எங்கும் முட்டைகளை கொண்டு செல்ல முடியவில்லை. இதனால் நாள் ஒன்றுக்கு சுமார் 80 லட்சம் முட்டைகள் வீதம் கடந்த 4 நாட்களாக 3¼ கோடி முட்டைகள் கேரளாவிற்கு கொண்டு செல்லப்படாமல் நாமக்கல் மண்டலத்தில் தேக்கம் அடைந்து உள்ளது.

இவ்வாறு அவர் கூறினார்.

தினமும் முட்டை சாப்பிடுபவர்களுக்கு இதய நோய் மற்றும் பக்கவாத தாக்குதல் குறையும் என்று ஆய்வில் தெரியவந்துள்ளது. இதற்காக சீனாவை சேர்ந்த ஆராய்ச்சியாளர்கள் 30 முதல் 79 வயதுக்குட்பட்ட 5 லட்சம் பேரிடம் ஆய்வு மேற்கொண்டிருக்கிறார்கள். அதன்படி தினமும் உணவில் முட்டை சேர்த்துக்கொண்டால் இதய நோயால் 18 சதவீதமும், ரத்த கொதிப்பு, பக்கவாத நோய் பிரச்சினையால் 28 சதவீதமும் இறப்பு ஏற்படுவதற்கான வாய்ப்பு குறையும்.

இதய நோய்தான் உலக அளவில் அதிக உயிர்பலி வாங்கும் மூன்றாவது நோயாக விஸ்வரூபமெடுத்திருக்கிறது. இதய நோய் பாதிப்புக்குள்ளாகிறவர்களில் 18 சதவீதம் பேர் மாரடைப்பு மற்றும் பக்கவாதத்தால் மரணமடைகிறார்கள். முட்டையில் அதிக அளவு கொழுப்பு நிறைந்திருக்கிறது. அவற்றை அதிக அளவு உட்கொள்வது உடல் நலனுக்கு கேடானது. அதேவேளையில் வைட்டமின்களும், புரதங்களும் உள்ளடங்கி இருக்கிறது. அதனால் தினமும் ஒரு முட்டை சாப்பிடுவது நல்லது.

சமீபகாலமாக மேற்கொள்ளப்பட்டவற்றுள் பெரும்பாலான ஆய்வு முடிவுகள் முட்டையை அளவோடு சாப்பிடுவது உடல் ஆரோக்கியத்திற்கு நலம் சேர்க்கும் என்பதையே தெளிவுபடுத்தியுள்ளன. 

காலை உணவுடன் முட்டையையும் சேர்த்துக் கொள்வது நல்லது. ஊட்டச்சத்து மிகுந்த முட்டை, உடல் ஆரோக்கியத்திற்கு ஏற்றது. உடலுக்கு தேவையான ஆற்றலை அது தருகிறது. முட்டையை ஆம்லெட்டாகவோ, வேகவைத்தோ, பொரித்தோ சாப்பிடலாம். இளம் வயதைக் கடந்தவர்கள் வேகவைத்த முட்டையில் மஞ்சள் கருவை நீக்கிவிட்டு, வெள்ளைக்கருவை மட்டும் சாப்பிட்டு வரலாம்.

முட்டை சாப்பிடுவதால் கிடைக்கும் நன்மைகள்!

மஞ்சள் கருவை நீக்கி விட்டால் முட்டையில் உள்ள கொழுப்பின் அளவு குறைந்துபோய்விடும். கொழுப்பை விரும்பாதவர்கள், அதிக கொழுப்பு அளவை கொண்டிருப்பவர்கள் வெள்ளைக்கருவை மட்டும் சாப்பிடுவது நல்லது.

முட்டையில் அதிக புரதம் உள்ளது. குறிப்பாக வெள்ளைக்கருவில் உடலுக்கு நன்மை தரும் குறைந்த கொழுப்பு கொண்ட புரதம் நிரம்பியிருக்கிறது. அதனால் வெள்ளைக்கருவை மட்டும் சாப்பிட்டு வந்தால் உடலுக்கு தேவையான புரதச்சத்து கிடைத்துவிடும். கெட்ட கொழுப்பும் குறையும்.

முட்டையின் மஞ்சள் கருவில் அதிக கலோரி இருக்கிறது. அதனை நீக்கிவிட்டு வெள்ளைக்கருவை மட்டும் சாப்பிட்டு வந்தால் குறைந்த கலோரிகளே உடலுக்கு கிடைக்கும். உடல் எடையை குறைக்க விரும்புபவர்கள் வெள்ளைக்கருவை மட்டும் சாப்பிட்டு வந்தால் நல்ல பலன் கிடைக்கும்.



வெள்ளைக்கருவில் இருக்கும் பொட்டாசியம் ரத்த அழுத்தத்தை சீராக பராமரிக்க உதவும். இதயத்துக்கும், எலும்புகளின் ஆரோக்கியத்திற்கும் வலு சேர்க்கும். ரத்த நாளங்களை விரிவுபடுத்தவும், ரத்த ஓட்டம் சீராக நடைபெறவும் உதவும்.

வெள்ளைக்கருவில் வைட்டமின் ஏ, பி 12 மற்றும் வைட்டமின் டி நிறைந்திருக்கிறது. வைட்டமின் பி12 தசை சிதைவு, கண் புரை, ஒற்றைத்தலைவலி போன்ற பிரச்சினைகளில் இருந்து காக்க துணைபுரியும்.

வெள்ளைக்கருவை சாப்பிடும் வேளையில் மஞ்சள் கருவை அறவே ஒதுக்கிவிடவும் கூடாது. அதிலும் ஊட்டச்சத்துகள் உள்ளன. முக்கியமாக கால்சியம், இரும்புச்சத்து போன்றவை வெள்ளைக்கருவைவிட மஞ்சள் கருவில் அதிகம் இருக்கின்றன. எனினும் அதிக கொழுப்பு, உடல் எடை பிரச்சினை, சர்க்கரை நோய், ஜீரணம் தொடர்புடைய பிரச்சினைகள் கொண்டவர்களுக்கு வெள்ளைக்கரு சாப்பிடுவதே சிறந்த தீர்வாக அமையும்.