நீங்கள் தேடியது "மின்கட்டணம்"

அகமதாபாத்:

5 மாநில சட்டசபை தேர்தல்களில் மத்திய பிரதேசம், ராஜஸ்தான், சத்தீஷ்கர் ஆகியவற்றில் காங்கிரஸ் ஆட்சியை பிடித்தது.

15 ஆண்டுகளுக்கு பிறகு ஆட்சியை பிடித்த மத்திய பிரதேசத்திலும், சத்தீஷ்கரிலும் காங்கிரஸ் அரசு விவசாய கடன்களை ரத்து செய்தன. மத்தியபிரதேசத்தில் ரூ.2 லட்சம் வரையிலான விவசாய கடனையும், சத்தீஷ்கரில் ரூ.6,100 கோடி வரையிலான விவசாய கடனையும் ரத்து செய்து அம்மாநில புதிய முதல்-மந்திரிகள் கமல்நாத், பூபேஷ் பாதேல் உத்தரவிட்டனர்.

இந்த நிலையில் காங்கிரசுக்கு போட்டியாக குஜராத் மற்றும் அசாமில் மின் கட்டணம், விவசாய கடன்களை தள்ளுபடி செய்து அம்மாநில பா.ஜனதா அரசுகள் உத்தரவிட்டன.


இதுதொடர்பாக குஜராத் மின்சாரதுறை மந்திரி சவுரப்படேல் கூறும்போது, “கிராம பகுதிகளில் உள்ள 6.20 லட்சம் பேர் செலுத்த வேண்டிய ரூ.650 கோடி மின் கட்டணம் ஒரே தவணையில் தீர்வு காணும் திட்டத்தின் கீழ் தள்ளுபடி செய்யப்படுகிறது” என்றார்.

மேலும் அவர் கூறும்போது, “மின் இணைப்பு துண்டிக்கப்பட்டவர்கள் ரூ.500 மட்டுமே செலுத்தி தங்கள் இணைப்பை மீண்டும் பெற்றுக் கொள்ளலாம்” என்றார்.

அசாம் மாநிலத்தில் சர்பானந்தா சோனோவால் தலைமையில் பா.ஜனதா ஆட்சி நடைபெற்று வருகிறது. அந்த மாநிலத்தில் ரூ.600 கோடி விவசாய கடன் தள்ளுபடி செய்யப்படுகிறது. அம்மாநில மந்திரிசபை கூட்டத்தில் இந்த முடிவு மேற்கொள்ளப்பட்டது.

இதுகுறித்து அம்மாநில மந்திரி சந்திரமோகன் படோவரி கூறியதாவது:-

மந்திரிசபை கூட்டத்தில் ரூ.600 கோடி மதிப்பிலான விவசாய கடனை தள்ளுபடி செய்ய ஒப்புதல் அளிக்கப்பட்டது. தற்போது விவசாயிகளால் வாங்கப்பட்ட கடனில் 25 சதவீதம் தொகை (அதிகபட்சமாக ரூ.25 ஆயிரம்) ரத்து செய்யப்படும். இதனால் 8 லட்சம் விவசாயிகள் உடனடியாக பயன் அடைவார்கள்.

மேலும் விவசாயிகள் வாங்கும் கடனுக்கான வட்டியில் 4 சதவீதம் வரை தள்ளுபடி செய்யப்படுகிறது. அடுத்த நிதியாண்டு முதல் 19 லட்சம் விவசாயிகளால் வட்டி இல்லாமல் விவசாய கடன் வாங்க முடியும்.

இவ்வாறு அவர் கூறனார்.

இதேபோல மேலும் பல சலுகைகளை அம்மாநில அரசு அறிவித்தது. #BJP #Congress #Gujaratgovernment

சென்னை:

கஜா புயலால் பாதிக்கப்பட்ட பகுதிகளில் சீரமைப்பு பணிகள் முடிவடையவில்லை. எனவே, புயலால் பாதிக்கப்பட்ட நாகை, திருவாரூர், புதுக்கோட்டை, தஞ்சை மாவட்டங்களுக்கு மின்கட்டணம் செலுத்த கால அவகாசம் நீட்டிக்கப்பட்டுள்ளது.


திருவாரூர் மாவட்டத்தில் மன்னார்குடி, திருவாரூர் கோட்டங்களில் டிச.26 வரை மின்கட்டணம் செலுத்தலாம். தஞ்சை மாவட்டத்தில் புதுக்கோட்டை, ஒரத்தநாடு கோட்டங்களில் டிச.31வரை மின்கட்டணம் செலுத்தலாம்.

நாகையில் 14 பிரிவுகளில் உள்ள நுகர்வோர் டிச.26 வரை அபராதமின்றி மின்கட்டணம் செலுத்தலாம். திருவாரூர் கோட்டங்களிலும், புதுக்கோட்டையின் அனைத்து கோட்டங்களிலும் டிச.26 வரை மின்கட்டணம் செலுத்தலாம்.

கஜா புயலால் பாதிக்கப்பட்ட மக்கள் நலன் கருதி 3வது முறையாக அவகாசத்தை தமிழ்நாடு மின்சார வாரியம் நீட்டித்துள்ளது.

தாழ்வழுத்த மின்சாரம் பயன்படுத்தும் நுகர்வோர்களுக்கு மட்டும் அவகாசம் பொருந்தும் என்று தமிழ்நாடு மின்சார வாரியம் தெரிவித்துள்ளது. #GajaCyclone

சூலூர்:

கோவை மாவட்டம் சூலூர் அருகே உள்ள பாப்பம்பட்டி மின்வாரிய அலுவலகத்தில் பொது மக்களின் வீட்டு உபயோக மின்சார பயன்பாட்டிற்கான கட்டணத்திற்கு 65 சதவீத சேவை வரி வசூலிக்கப்பட்டு வருகிறது.

பாப்பம்பட்டி பகுதியில் உள்ள பொதுமக்கள் மின் கட்டணம் செலுத்த சென்ற போது 95 ரூபாய் மின் கட்டணத்திற்கு மத்திய அரசின் பொருட்கள் மற்றும் சேவை வரியாக 31.50 ரூபாயும்,மாநில அரசின் பொருட்கள் மற்றும் சேவை வரியாக 31.50 ரூபாய் என 158 ரூபாய் வசூல் செய்யப்பட்டுள்ளது.

இதற்கு பொதுமக்கள் கடும் எதிர்ப்பு தெரிவித்துள்ளனர். இது குறித்து மின்வாரிய அலுவலர்களிடம் கேட்டபோது, இது அதிகாரிகளின் உத்தரவு கம்பயூட்டரில் வந்த பதிவுப்படி தான் வசூலிக்கிறோம் என கூறினர்.

100 யூனிட் வரை பயன்படுத்தும் பயனாளிகளுக்கு அரசு இலவச மின்சாரம் வழங்கும் போது அதற்கு 9 ரூபாய் வரி வசூலிப்பதாக பாதிக்கப்பட்ட ஆறுமுகம் குற்றம் சாட்டினார். இது குறித்து அவர் கூறுகையில் இந்த மாதிரியான வரி எங்கும் இல்லை. தமிழ்நாட்டில் மட்டும் உள்ளது. இலவசத்திற்கும் வரிவிதிப்பது இங்குதான் .இதனை கருத்தில் கொண்டு தமிழக அரசு உடனடியாக பொதுமக்களுக்கு நல்ல தீர்வு ஏற்படுத்த வேண்டும் என கூறினார்.