18.3.2024 முதல் 24.3.2024 வரை
கலக்கலான வாரம். தன ஸ்தானத்தில் சனி, செவ்வாய், சுக்ரன் சேருவது மகர ராசிக்கு அபூர்வ மான ஆரவாரமான கலக்கலான கிரகச்சேர்க்கை. அடுத்த முறை செவ்வாய் கும்பத்திற்குள் சனியுடன் சேர 30 வருட காலமாகும். செவ்வாய், சனியும் சேர்ந்தாலே ஆபத்து, அசுப கிரகச் சேர்க்கை என்ற கண்ணோட்டத்தில் மட்டுமே எல்லோரும் பார்க்கிறார்கள். மகரத்திற்கு சனி ராசி மற்றும் தன ஸ்தான அதிபதி. செவ்வாய் சுக அதிபதி, லாப அதிபதி. தன அதிபதி, சேர்க்கை என்பதால் இது மகரத்திற்கு பல மடங்கு நன்மை தரும் கிரக அமைப்பு. இது அபரிமிதமான சொத்து சேர்க்கை, தன வரவை ஏற்படுத்தும் மகத்தான கிரகச் சேர்க்கை. தன வரவின் அளவை அளவிட முடியாது. இதுவரை சொத்து இல்லாதவர்களுக்கு புதிய சொத்து சேரும்.
பழைய சொத்துக்களின் மதிப்பு அதிகரிக்கும். வாடகை வருமானம் தரும் சொத்துக்கள் சேரும். உறவினர்களின் மூலம் ஆதரவான சூழல் ஏற்படும். சகோதரர்களால் சகாயமான பலன் உண்டாகும். சுபகாரியம் நடக்கும். 22.3.2024 அன்று காலை 1.27 மணி முதல் 24.3.2024 மதியம் 2.20 வரை சந்திராஷ்டமம் இருப்பதால் உறவுகள்நண்பர்களிடம் அமைதிப் போக்கினை கையாள்வது நல்லது. நாளும், கோளும் நன்மை தர தினமும் மாலை வேளையில் நவகிரகங்களை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406