இந்தவார ராசிபலன்

24.6.2024 முதல் 30.6.2024 வரை

சிந்தித்து செயல்பட வேண்டிய வாரம். ராசி அதிபதி தனம், வாக்கு குடும்ப ஸ்தான அதிபதி சனி வார இறுதியில் வக்ரம் பெறுகிறார்.வரவைக் காட்டிலும் செலவு அதிகரிக்கும். தேவை யற்ற நட்புகள், உறவுகளின் தொல்லைகள் ஏற்படலாம். சொத்துக்களாலும் சொந்தங்களாலும் சில பிரச்சினைகள் தலை தூக்கும். உறவினர்களுக்கு செய்யும் உதவி உபத்திரமாக முடியும். சிலருக்கு விற்பனையான சொத்தால் வில்லங்கம் வரலாம். வழக்குகள் விசாரணை தள்ளிப்போகும். மூத்த சகோதர சகோதரிகள் முன்னுக்கு பின் முரணாக பேசி குடும்பத்தில் குழப்பத்தை ஏற்படுத்தலாம். அரசு அதிகாரிகளுக்கு பதவி உயர்வு நிச்சயம்.

சிலருக்கு மருத்துவச் செலவு உண்டாகலாம்.சிலர் கவுரவம் அல்லது பெருமையை நிலைநாட்ட வீண் செலவு செய்வார்கள். வாரிசுகளுடன் ஏற்பட்ட கருத்து வேறுபாட்டிற்கு தீர்வு கிடைக்கும். பெண்களுக்கு குடும்பத்தினரின் அன்பும் ஆதரவும் கிடைக்கும். கணவன், மனைவி ஒற்றுமை அதிகரிக்கும்.சிலர் வீடு, வாகனம், பிள்ளைகளின் திருமணம் படிப்பு போன்ற சுப செலவிற்காக கடன் வாங்கலாம். சில எதிர்மறை யான பலன்கள் நடைபெற்றாலும் ராசியை குரு பகவான் பார்ப்பதால் எதையும் எதிர் கொள்ளும் தைரியமும் உண்டாகும் நரசிம்மரை வழிபட நன்மைகள் நடக்கும்.

`பிரசன்ன ஜோதிடர்'

ஐ.ஆனந்தி

செல்: 98652 20406