கார்களுக்கு ரூ. 1 லட்சம் வரை தள்ளுபடி - ஃபோக்ஸ்வேகன் அதிரடி!
- ஃபோக்ஸ்வேகன் நிறுவனத்தின் 2022 டைகுன் மாடலுக்கு அதிகபட்ச சலுகை அறிவிக்கப்பட்டு இருக்கிறது.
- பிஎஸ்6 2 புகை விதிகளுக்கு ஏற்ப அப்டேட் செய்யப்பட்ட மாடல்களுக்கும் தள்ளுபடி வழங்கப்படுகிறது.
ஃபோக்ஸ்வேகன் நிறுவன விற்பனையாளர்கள் டைகுன் எஸ்யுவி மாடலுக்கு அதிகபட்சம் ரூ. 1 லட்சத்து 41 ஆயிரமும், விர்டுஸ் செடான் மாடலுக்கு அதிகபட்சம் 1 லட்சத்து 03 ஆயிரம் வரையிலான தள்ளுபடி வழங்குகின்றனர். இந்த சலுகைகள் 2022 மற்றும் 2023 மாடல் கார்கள் மற்றும் பிஎஸ்6 2 புகை விதகளுக்கு உட்பட்ட மாடல்களுக்கு பொருந்தும்.
2022 டைகுன் மாடல் மற்றும் வேரியண்டிற்கு ஏற்ப ரூ. 65 ஆயிரத்தில் துவங்கி அதிகபட்சம் ரூ. 1 லட்சத்து 41 ஆயிரம் வரையிலான தள்ளுபடி வழங்கப்படுகிறது. டைகுன் டாப்லைன் மேனுவல் வேரியண்டிற்கு அதிகபட்ச சலுகை அறிவிக்கப்பட்டு இருக்கிறது. டைகுன் கம்ஃபர்ட்லைன் மேனுவல் வேரியண்டிற்கு குறைந்தபட்ச சலுகை வழங்கப்படுகிறது.
2023 டைகுன் மாடலுக்கு ரூ. 91 ஆயிரம் வரையிலான தள்ளுபடி வழங்கப்படுகிறது. இதில் டைகுன் டாப்லைன் ஆட்டோமேடிக் வேரியண்டிற்கு அதிகபட்ச தள்ளுபடி வழங்கப்படுகிறது. இதேபோன்று 2023 டைகுன் பிஎஸ்6 2 மாடலுக்கு அதிகபட்சம் ரூ. 40 ஆயிரம் வரையிலான தள்ளுபடி வழங்கப்படுகிறது.
டைகுன் மாடலை போன்றே விர்டுஸ் மாடலுக்கு அதிகபட்சம் ரூ. 1 லட்சத்து 03 ஆயிரம் வரையிலான தள்ளுபடி வழங்கப்படுகிறது. 2022 விர்டுஸ் GT பிளஸ் ஆட்டோமேடிக் வேரியண்டுக்கு ரூ. 20 ஆயிரம் தள்ளுபடி வழங்கப்படுகிறது. 2023 விர்டுஸ் மாடலுக்கு ரூ. 20 ஆயிரத்தில் துவங்கி ரூ. 65 ஆயிரம் வரையிலான தள்ளுபடி வழங்கப்படுகிறது.