குட் பேட் அக்லி திரைப்படத்தில் இணைந்த அர்ஜூன் தாஸ் - நெகிழ்ச்சி பதிவு

கடந்த ஆண்டு ஆதிக் ரவிச்சந்திரன் இயக்கத்தில் வெளிவந்த 'மார்க் ஆண்டணி' மிகப்பெரிய ஹிட் அடித்தது. அப்படத்தில் விஷால், எஸ்.ஜே.சூர்யா ஆகியோர் முக்கிய கதாபாத்திரங்களில் நடித்தனர்.

இதை தொடர்ந்து அஜித் நடிக்கும் குட் பேட் அக்லி திரைப்படத்தை இயக்கி வருகிறார். இப்படத்தில் அஜித் மூன்று கதாப்பாத்திரத்தில் நடித்துள்ளார். திரைப்படத்தில் திரிஷா கதாநாயகியாக நடித்துள்ளார். இவர்களுடன் சுனில் , நஸ்லேன் ஆகியோர் நடித்து வருகின்றனர்.

படத்தில் நடிகர் பிரசன்னா முக்கிய கதாப்பாத்திரத்தில் நடிக்க இருப்பதாக அவரது எக்ஸ் தளத்தில் சில வாரங்களுக்கு முன் பதிவிட்டிருந்தார்.

நடிகர் அஜித்தும் அவ்வப்போது செல்ஃபிகளையும், கார் ஓட்டுவது போல், வாங்குவது போல், ரேசிங் செய்வது போன்ற வீடியோகள் மற்றும் புகைப்படங்களை பதிவிட்ட வண்ணம் உள்ளார்.

இத்திரைப்படத்தில் அர்ஜூன் தாஸ் நடிக்க இருப்பதாக வதந்திகள் பரவின அதை உண்மையாக்கும் விதமாக தற்பொழுது அர்ஜூன் தாஸ் ஒரு உருக்கமான பதிவை பதிவிட்டுள்ளார்.

அதில் அவர் " இன்னும் நான் சுரேஷ் சந்திரா சாரின் பிஆர்ஓ டீமில் இணைந்தது நியாபகத்தில் உள்ளது. நான் சென்னையிக்கு நடிக்க ஆசையாக வந்தப்போது அஜித் சாரின் PRO டீமில் தான் வேலை பார்த்துக்கொண்டே நடிப்பிற்கான வாய்ப்பை தேடலாம் என்று இருந்தேன். அஜித் சாரின் திரைப்படம் ப்ரோமோஷன் வேலைகளைப் பார்த்தது அவருடன் இணைந்து பணியாற்ற வாய்ப்பு கிடைத்தது. நான் தான் வீரம் டீசரை ஆன்லை அப்லோட் செய்தேன்.

மாஸ்டர் திரைப்படத்திற்கு பிறகு அஜித் சார் என்னை அழைத்து "நம்ம சீக்கிரம் ஒன்னா வொர்க் பண்ணலாம்" என்றார். அதேப்போல் இப்பொழுது நடக்கிறது நான் அவர் நடிக்கும் குட் பேட் அக்லி திரைப்படத்தில் நடிக்கிறேன். இப்பதிவு உங்களுக்காக அஜித் சார், உங்களால் தான் இது நடந்தது. நன்றி. இயக்குனரான ஆதிக் ரவிச்சந்திரனுக்கு நன்றி படத்தின் தயாரிப்பாளரான மைத்திரி மூவிஸ் நிறுவனத்திற்கு நன்றி.

அர்ஜூன் தாஸ் தற்பொழுது விக்னேஷ் ஸ்ரீகாந்த் இயக்கத்தில் ஒன்ஸ் மோர் திரைப்படத்தில் நடித்து முடித்துள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.