முன்பதிவில் ரூ. 100 கோடி வசூல்.. 6 மொழிகளில் புஷ்பா 2 நாளை பிரமாண்ட வெளியீடு
- புஷ்பா 2 படத்திற்கு தேவி ஸ்ரீ பிரசாத் இசையமைத்துள்ளார்.
- இந்தப் படம் முன்பதிவில் ரூ. 100 கோடி வசூல் செய்தது.
இயக்குநர் சுகுமார் மற்றும் நடிகர் அல்லு அர்ஜூன் கூட்டணியில் உருவாகி இருக்கும் திரைப்படம் 'புஷ்பா 2'. இந்த படத்தில் ராஷ்மிகா மந்தனா, ஃபகத் ஃபாசில் மற்றும் பலர் நடித்துள்ளனர். இந்த படத்திற்கு தேவி ஸ்ரீ பிரசாத் இசையமைத்துள்ளார். பின்னணி இசையை சாம் சி.எஸ். உருவாக்கி இருக்கிறார்.
புஷ்பா படத்தின் முதல் பாகம் ரசிகர்களிடையே வரவேற்பை பெற்ற நிலையில், இரண்டாம் பாகத்திற்கு பெரும் எதிர்பார்ப்பு எழுந்துள்ளது. இந்த நிலையில் 'புஷ்பா 2' படத்திற்கான முன்பதிவு துவங்கி நடைபெற்றது. பெரும் எதிர்பார்ப்புக்கு மத்தியில் இந்த படம் முன்பதிவில் மட்டும் ரூ. 100 கோடி வசூல் செய்துள்ளதாக படக்குழு அறிவித்து இருந்தது.
'புஷ்பா 2' படத்தின் பாடல்கள், ப்ரோமோ வீடியோக்கள் சமீபத்தில் வெளியாகி நல்ல வரவேற்பு பெற்றது குறிப்பிடத்தக்கது. இந்த நிலையில், புஷ்பா 2 திரைப்படம் நாளை (டிசம்பர் 5) வெளியாக இருக்கிறது. தெலுங்கு மொழியில் உருவாகி இருக்கும் புஷ்பா 2 திரைப்படம் தமிழ், மலையாளம், கன்னடா, இந்தி மற்றும் பெங்காலி போன்ற மொழிகளில் வெளியாக இருக்கிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.