டி20 பெண்கள் கிரிக்கெட்: வங்காளதேசத்தை ஒயிட்வாஷ் செய்தது இந்தியா

இந்திய பெண்கள் கிரிக்கெட் அணி ஐந்து போட்டிகள் கொண்ட டி20 கிரிக்கெட் தொடரில் விளையாடுவதற்காக வங்காளதேசம் சென்றுள்ளது. முதல் நான்கு போட்டிகளில் வெற்றி பெற்ற நிலையில் 5-வது மற்றும் கடைசி போட்டி இன்று நடைபெற்றது.

இந்த போட்டியில் இந்திய பெண்கள் அணி 21 ரன் வித்தியாசத்தில் வெற்றி பெற்று வங்காளதேசத்தை 5-0 என ஒயிட்வாஷ் செய்தது. ஸ்மிரிதி மந்தனா (33), தயாளன் ஹேமலதா (37), சர்மன்ப்ரீத் கவுர் (30) ஆகியோரின் சிறப்பான ஆட்டத்தால் இந்தியா 156 ரன்கள் குவித்தது.

பின்னர் 157 ரன்கள் அடித்தால் வெற்றி என்ற இலக்குடன் களம் வங்கிய வங்காளதேச வீராங்கனைகளால் 6 விக்கெட் இழப்பிற்கு 135 ரன்கள் மட்டுமே அடிக்க முடிந்தது. ராதா யாதவ் 3 விக்கெட்டும், ஆஷா சோபனா 2 விக்கெட்டும் வீழ்த்தினர்.

தொடரின் சிறந்த வீராங்கனை, 5-வது போட்டியின் சிறந்த வீராங்கனை விருதுகளை ராதா யாதவ் வென்றார்.