சத்து நிறைந்த சிக்கன் நூடுல்ஸ் சூப்

தேவையான பொருட்கள்

நூடுல்ஸ் - அரை பாக்கெட்

சிக்கன் - அரை கிலோ

கேரட் - 1

உப்பு - தேவையான அளவு

மிளகு பொடி - தேவையான அளவு

எண்ணெய் - 2 மேசைக்கரண்டி

ஸ்பிரிங் ஆனியன் - 3

பூண்டு - 5 பற்கள்

வெங்காயம் - 1

கொத்தமல்லி - கையளவு

செய்முறை

சிக்கனை நன்கு சுத்தம் செய்து சிறு சிறு துண்டுகளாக நறுக்கிக் கொள்ளவும்.

நூடுல்ஸை தனியாக வேக வைத்து கொள்ளவும்.

வெங்காயம், ஸ்பிரிங் ஆனியன், கொத்தமல்லி, கேரட்டை பொடியாக நறுக்கி கொள்ளவும்.

குக்கரில் மூன்று கிளாஸ் தண்ணீர் சேர்த்து அதில் சிக்கன் துண்டுகளைச் சேர்த்து, அதோடு காய்கறிகளையும், உப்பு சேர்த்து குக்கரை மூடி 6 விசில் வரும் வரைக் காத்திருந்து அணைத்துவிடவும்.

விசில் போனதும் குக்கர் மூடியை திறந்து வேக வைத்த நூடுல்ஸ், மிளகு தூள் சேர்த்து 5 நிமிடங்கள் கொதிக்க விடவும்.

கடைசியாக கொத்தமல்லி, ஸ்பிரிங் ஆனியன் தூவி பரிமாறவும்.

இப்போது சூப்பரான சிக்கன் நூடுல்ஸ் சூப் ரெடி.