15 நிமிடத்தில் செய்யலாம் சுவையான ஹரியாலி முட்டை கிரேவி

தேவையான பொருட்கள்:

முட்டை - 5

பட்டை - 1 இன்ச்

பிரியாணி இலை - 1

கிராம்பு - 2

எண்ணெய் - 1 டேபிள் ஸ்பூன்

மல்லித் தூள் - 2 டீஸ்பூன்

கரம் மசாலா - 1 டீஸ்பூன்

பிரஷ் க்ரீம் - 2 டேபிள் ஸ்பூன்

ஹரியாலி மசாலாவிற்கு…

கொத்தமல்லி - 1 கட்டு (பெரியது)

புதினா - 1 கட்டு

பச்சை மிளகாய் - 3

வெங்காய மசாலாவிற்கு…

வெங்காயம் - 1

பூண்டு - 4 பல்

இஞ்சி - 1 இன்ச்

செய்முறை:

* முட்டையை வேக வைத்து இரண்டாக வெட்டி கொள்ளவும்.

* வெங்காயம், கொத்தமல்லி, புதினா, இஞ்சி, ப.மிளகாயை பொடியாக நறுக்கி கொள்ளவும்.

* முதலில் ஹரியாலி மசாலாவிற்கு கொடுத்துள்ள பொருளை மிக்சியில் போட்டு அதனுடன் அரை கப் நீரை ஊற்றி நன்கு அரைத்து தனியாக வைத்துக் கொள்ள வேண்டும்.

* அடுத்த வெங்காயம், இஞ்சி மற்றும் பூண்டுகளை சேர்த்து நன்கு மென்மையாக அரைத்துக் கொள்ள வேண்டும்.

* ஒரு கடாயை அடுப்பில் வைத்து, அதில் எண்ணெய் ஊற்றி சூடானதும், பிரியாணி இலை, பட்டை, கிராம்பு, சேர்த்து தாளித்த பின்னர், அரைத்த வெங்காய விழுதை சேர்த்து பச்சை வாசனை போக வதக்க வேண்டும்.

* பிறகு அதில் கரம் மசாலா, மல்லித் தூள் சேர்த்து சில நொடிகள் வதக்க வேண்டும்.

* பின் அதில் அரைத்த ஹரியாலி மசாலா மற்றும் பிரஷ் க்ரீம், சுவைக்கேற்ப உப்பு சேர்த்து கிளறி, வெட்டிய முட்டைகளை போட்டு மூடி வைத்து, 5 நிமிடம் மிதமான தீயில் வேக வைத்து இறக்கினால், சுவையான ஹரியாலி முட்டை கிரேவி தயார்.