மீண்டும் மீண்டும் சாப்பிட தூண்டும் பன்னீர் பொடிமாஸ்

தேவையான பொருட்கள்

பன்னீர் - 200 கிராம்

வெங்காயம் - 1

பச்சை மிளகாய் - 3

பூண்டு - 2 பல்

மிளகாய் தூள் - 1 டீஸ்பூன்

மிளகுத்தூள் - 1 டீஸ்பூன்

கறிவேப்பிலை, கொத்தமல்லி - சிறிதளவு

இஞ்சி - சிறிய துண்டு

சீரகம் - 1 டீஸ்பூன்

கடுகு - ½ டீஸ்பூன்

உளுத்தம் பருப்பு - ½ டீஸ்பூன்

எண்ணெய், உப்பு - தேவையான அளவு

செய்முறை

* இஞ்சியை தோல் நீக்கி துருவிக்கொள்ளவும்.

* பூண்டை தோல் நீக்கி நசுக்கிகொள்ளவும்.

* ப.மிளகாய், வெங்காயத்தை பொடியாக நறுக்கிகொள்ளவும்.

* பன்னீரை துருவிக்கொள்ளவும்.

* ஒரு ஒரு கடாய்யை அடுப்பில் வைத்து எண்ணெய் ஊற்றி சூடானதும் கடுகு, உளுத்தம் பருப்பு, கறிவேப்பிலை, சீரகம், சேர்த்து தாளிக்கவும்.

* பிறகு பொடியாக நறுக்கிய வெங்காயம், கீறிய பச்சைமிளகாய் சேர்த்து நன்றாக வதக்கவும்.

* வெங்காயம் பொன்னிறமாக வந்ததும் நசுக்கிய பூண்டு, இஞ்சி துருவல், மற்றும் தேவையான அளவு உப்பு சேர்த்து வதக்கவும்.

* அடுத்து மிளகாய் தூள் சேர்த்து வதக்கவும்.

* பிறகு துருவி வைத்துள்ள பன்னீர் சேர்த்து அதனுடன் மிளகுத் தூள், சேர்த்து கிளறி கொத்தமல்லி தலை தூவி இறக்கவும்.

* இப்பொழுது சுவையான பன்னீர் பொடிமாஸ் தயார்.