10 நிமிடத்தில் செய்யலாம் தூள் பக்கோடா

தேவையான பொருட்கள் :

பெரிய வெங்காயம் - கால் கிலோ,

கடலை மாவு - 150 கிராம்,

அரிசி மாவு - 25 கிராம்,

கறிவேப்பிலை - 2 ஆர்க்கு,

இஞ்சி - ஒரு துண்டு,

பச்சை மிளகாய் - 5

மிளகாய்த்தூள் - ஒரு டீஸ்பூன்,

உப்பு - தேவையான அளவு,

எண்ணெய் - 300 கிராம்.

செய்முறை:

பெரிய வெங்காயம், இஞ்சி, ப.மிளகாயை பொடியாக நறுக்கி கொள்ளவும்.

ஒரு பாத்திரத்தில் கடலை மாவு, அரிசி மாவை போட்டு நன்றாக கலந்த பின்னர் நறுக்கிய பெரிய வெங்காயம், இஞ்சி, ப.மிளகாய், மிளகாய் தூள், உப்பு சேர்த்து நன்றாக கலக்கவும்.

அடுத்து அதில் சூடான எண்ணெய் 2 டீஸ்பூன், சிறிது தண்ணீர் தெளித்து பக்கோடா மாவு பதத்தில் பிசைந்து வைக்கவும்.

கடாயை அடுப்பில் வைத்து எண்ணெய் ஊற்றி சூடானதும் மாவை சூடான எண்ணெயில் உதிர்த்து போட்டு சிவக்க பொரிக்கவும். விருப்பப்பட்டால்... 4, 5 பூண்டுப் பற்களை நசுக்கி சேர்க்கலாம்.

இப்போது சூப்பரான தூள் பக்கோடா ரெடி.