உருளைக்கிழங்கு அரிசி மாவு முறுக்கு

அரிசி மாவு - 2 கப்

உருளைக் கிழங்கு - 2 (நடுத்தர அளவு)

சீரகம் - அரை தேக்கரண்டி

பெருங்காயத்தூள் - ½ தேக்கரண்டி

பட்டர் - 2 மேஜைக்கரண்டி

உப்பு - தேவையான அளவு

நீர் - தேவையான அளவு

எண்ணெய் - பொரிக்க

* உருளைக்கிழங்கை நன்றாக வேகவைத்து தோல் உரித்து மிக்சியில் போட்டு சிறிது நீர் சேர்த்து நன்றாக மென்மையான விழுதாக அரைத்து கொள்ளவும். 

* ஒரு பாத்திரத்தில் அரிசி மாவை போட்டு அதனுடன் சீரகம், எள், உப்பு, பெருங்காயத்தூள், பட்டர், அரைத்த உருளைக்கிழங்கு விழுது சேர்த்து நன்றாக கிளறவும். பின்பு தேவையான அளவு தண்ணீர் சேர்த்து (முறுக்கு மாவு பதத்தில்) மென்மையாக பிசைந்து கொள்ளவும். 

* கடாயில் எண்ணெய் ஊற்றி சூடானதும் முறுக்கு அச்சில் மாவை போட்டு எண்ணெயில் பிழியவும்.

* முறுக்கு பொன்னிறமாக வந்ததும் எடுத்து அதனை எடுத்து காற்றுப் புகாத டப்பாவில் அடைத்து வைத்து பயன்படுத்தவும்.

* உருளைக்கிழங்கு முறுக்கு ரெடி.