தி.மு.க.-காங்கிரஸ் கூட்டணி 150 தொகுதியை பிடிக்கும்: வாக்களித்தபின் குஷ்பு பேட்டி

சென்னை:

அகில இந்திய காங்கிரஸ் செய்தி தொடர்பாளர், நடிகை குஷ்பு மந்தவெளியில் உள்ள மாநகராட்சி பள்ளியில் வாக்களித்தார். அவருடன் கணவரும் நடிகருமான சுந்தர்.சியும் வந்து வாக்களித்தார்

ஓட்டு போட்ட பின்னர் குஷ்பு கூறியதாவது:–

காங்கிரஸ் – தி.மு.க. கூட்டணி அமோக வெற்றி பெறும். 150 தொகுதிகளுக்கு மேல் வெற்றி பெற்று ஆட்சியை பிடிக்கும்.

மக்கள் இந்த கூட்டணிக்கு ஆதரவாகவே வாக்களித்து வருகிறார்கள். ஆளும் கட்சி பணப்பலத்தை நம்பி நிற்கிறது. ஏராளமாக பணப்பட்டுவாடா செய்திருக்கிறார்கள்.
 இதனால் அரவக்குறிச்சி, தஞ்சாவூர் ஆகிய 2 தொகுதிகளில் வாக்குப்பதிவு தள்ளி வைக்கப்பட்டுள்ளது. இருந்தாலும் மக்கள் தெளிவாக இருக்கிறார்கள்.

இவ்வாறு அவர் கூறினார்.