ஹோன்டா நவி விற்பனையில் புதிய மைல்கல்

இந்தியாவில் 2016 ஆட்டோ எக்ஸ்போவில் அறிமுகமான ஹோன்டா நவி ஸ்கூட்டர் ஒரு லட்சம் யூனிட் விற்பனையை கடந்திருக்கிறது. நவி ஸ்கூட்டர் ஹோன்டா இந்தியா ஆய்வு மற்றும் உற்பத்தி ஆலையில் உருவாக்கப்பட்ட முதல் ஸ்கூட்டர் ஆகும்.

சமீபத்தில் மேம்படுத்தப்பட்ட 2018 நவி ஸ்கூட்டரை கடந்த மாதம் இந்தியாவில் அறிமுகம் செய்தது. 

ஹோன்டா நவி புதிய வெர்ஷன் பிரீமியம் மாடலாக உருவாக்கப்பட்டுள்ளது. புதிய நவி மாடலில் காஸ்மெடிக் மாற்றங்கள் மேற்கொள்ளப்பட்டுள்ளன. இந்தியா தவிர ஹோன்டா நவி ஸ்கூட்டர் லத்தின் அமெரிக்கா போன்ற வெளிநாடுகளுக்கும் ஏற்றுமதி செய்யப்படுகிறது. புதிய 2018 ஹோன்டா நவி மாடலில் புதிய ஃபியூயல் காஜ், மெட்டல் மஃப்ளர் ப்ரோடெக்டர் உள்ளிட்டவை வழங்கப்பட்டுள்ளது. 

இத்துடன் கிராப் ரெயில், ஹெட்லைட் கவர்கள் மற்றும் ரியர்வியூ கண்ணாடிகள் வழங்கப்பட்டுள்ளன. இத்துடன் ஸ்போர்ட் ரெட் நிறம் கொண்ட குஷன் ஸ்ப்ரிங் வழங்கப்பட்டுள்ளது. இந்தியாவில் ஹோன்டா நவி 2018 மாடல்: ரேன்ஜ் கிரீன் மற்றும் லடாக் பிரவுன் என இரண்டு நிறங்களில் கிடைக்கிறது.

இதுதவிர கஸ்டமைசேஷன் ஆப்ஷன்களும் வழங்கப்படுகிறது. 2018 ஹோன்டா நவி ஸ்கூட்டரில் 109சிசி, சிங்கிள்-சிலிண்டர் இன்ஜின் வழங்கப்பட்டுள்ளது. இதே இன்ஜின் ஹோன்டா ஆக்டிவா மாடலிலும் வழங்கப்பட்டுள்ளது. இந்த இன்ஜின் 8 பி.ஹெச்.பி. பவர், 9 என்.எம். டார்கியூ செயல்திறன் வழங்குகிறது.

இத்துடன் முன்பக்கம் டெலிஸ்கோபிக் ஃபோர்க், பின்புறம் மோனோஷாக் சஸ்பென்ஷன்கள் வழங்கப்பட்டுள்ளது. ஹோன்டா நவி மாடலின் முன்பக்கம் மற்றும் பின்புறம் முறையே 12 இன்ச் மற்றும் 10 இன்ச் டியூப்லெஸ் டையர்கள் வழங்கப்பட்டுள்ளன.

இந்தியாவில் ஹோன்டா நவி 2018 ஸ்கூட்டர் விலை ரூ.44,775 (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது. #navi110 #Scooter