பிரதமர் மோடியுடன் நடிகர் மோகன்லால் சந்திப்பு

மலையாள திரையுலகில் மிகவும் பிரபலமான நடிகர்களில் ஒருவரான மோகன்லால் விஸ்வசாந்தி அறக்கட்டளை என்னும் தொண்டு நிறுவனத்தின் நிறுவனரும் ஆவார்.

கேரள மாநிலத்தில் பல்வேறு சமூகநலச் சேவைகளில் விஸ்வசாந்தி அறக்கட்டளையின் சார்பில் புற்றுநோயால் பாதிக்கப்பட்ட ஏழை, எளியவர்களுக்கான புதிய மருத்துவமனை கட்ட திட்டமிடப்பட்டுள்ளது.

சமீபத்தில் மழையால் ஏற்பட்ட பெருவெள்ளத்தால் பாதிக்கப்பட்டுள்ள கேரள மாநிலத்தை புனரமைப்பதற்காக  வெளிநாடுகளில் வாழும் மலையாளிகள் பங்கேற்கும் வட்டமேஜை கருத்தரங்கம் நடைபெறவுள்ளது.

இந்நிலையில், வட்டமேஜை கருத்தரங்கத்தை சிறந்த முறையில் நடத்த மத்திய அரசின் ஆதரவு கோரியும், இதில் பங்கேற்க வருமாறு அழைப்பு விடுத்தும் டெல்லியில் பிரதமர் நரேந்திர மோடியை மோகன்லால் நேற்று சந்தித்து பேசினார்.

தனது அறக்கட்டளையின் சார்பில் மோகன்லால் ஆற்றிவரும் சமூகப்பணிகளை பாராட்டிய பிரதமர் மோடி, அவரது எளிமையும், தன்னடக்கமும் வியக்கவைப்பதாகவும் குறிப்பிட்டுள்ளார். #MohanLal #Modi