தென்காசியில் வியாபாரி வீட்டில் கொள்ளை

தென்காசி:

தென்காசி ஜம்ஜம் நகரை சேர்ந்தவர் பீர்முகம்மது (வயது 58) இவர் அப்பகுதியில் பெட்டிக்கடை நடத்தி வருகிறார். இந்நிலையில் கடந்த சில நாட்களுக்கு முன்பு குடும்பத்துடன் வெளியூர் சென்றுள்ளார். மீண்டும் நேற்று ஊருக்கு திரும்பிய வந்தார். அப்போது பீர்முகம்மது வீட்டின் கதவுகள் உடைக்கப்பட்டிருப்பதை பார்த்து அதிர்ச்சி அடைந்தார். 

பின்னர் வீட்டின் உள்ளே சென்று பார்த்த போது வீட்டிற்குள் ஒரு பையில் இருந்த 8 1/2 பவுன் தங்க நகைகளை காணாமல் அதிர்ச்சி அடைந்தார். உடனடியாக பீர்முகம்மது தென்காசி போலீஸ் நிலையத்தில் புகார் கொடுத்தார்.

இதனை தொடர்ந்து போலீசார் சம்பவம் நடைபெற்ற வீட்டை நேரில் ஆய்வு செய்தனர். மேலும் கைரேகை நிபுணர்கள் மற்றும் மோப்ப நாய் வரவழைக்கப்பட்டு தீவிர சோதனை நடத்தினர். இது குறித்து போலீசார் வழக்குப்பதிவு செய்து கொள்ளையில் ஈடுபட்ட மர்ம நபர்களை வலைவீசி தேடி வருகின்றனர்.