தேசிய அளவில் ட்ரெண்டிங் ஆகும் கருணாநிதிஹெல்த் ஹேஸ்டேக்

சென்னை:

தி.மு.க தலைவர் கருணாநிதிக்கு சிறுநீரக தொற்று ஏற்பட்டு உடல்நலக்குறைவு ஏற்பட்டுள்ளது. இதற்கிடையே நேற்று அவருக்கு திடீரென ரத்த அழுத்தம் குறைந்து காணப்பட்டதால் அவர் உடனடியாக ஆம்புலன்ஸ் மூலம் காவேரி மருத்துவமனைக்கு கொண்டு செல்லப்பட்டு தீவிர சிகிச்சை பிரிவில் அனுமதிக்கப்பட்டார். 

கருணாநிதியின் உடல்நிலை குறித்து சமூக வலைத்தளங்களில் எதிர்மறையான தகவல்கள் பரவி வருவதால் தொண்டர்களிடையே அதிர்ச்சியும் குழப்பமும் ஏற்பட்டுள்ளது. 

மறுபக்கம், கருணாநிதி குணமடைந்து மீண்டு வர வேண்டும் என சமூக வலைத்தளங்களில் பலர் பதிவிட்டு வருகின்றனர். பொதுவாகவே சமூக வலைதளங்களில் அன்றாடம் குறிப்பிட்ட ஒரு நிகழ்வு ட்ரெண்டாவது வழக்கமாகும். 

இந்நிலையில், திமுக தலைவர் கருணாநிதி உடல்நலம் பாதிகப்பட்டுள்ள நிலையில் ட்விட்டரில் 'KarunanidhiHealth' எனும் ஹேஸ்டேக் தேசிய அளவில் ட்ரெண்டாகி வருகிறது.

இந்த ஹேஸ்டேக்கை பயன்படுத்தி கருணாநிதியின் நினைவுகளை பலரும் ட்விட்டரில் பதிவிட்டு வருகின்றனர். #KarunanidhiHealth