காவேரி மருத்துவமனை முன்பு பரபரப்பு - தொண்டர்கள் மீது போலீசார் தடியடி

சென்னை :

திமுக தலைவர் கருணாநிதி அனுமதிக்கப்பட்டுள்ள காவேரி மருத்துவமனையின் வெளியே மழையிலும் கட்டுக்கடங்காத தொண்டர்கள் கூட்டம் கூடியுள்ளது

கருணாநிதியின் உடல்நிலை சீராகி வருகிறது என்ற காவேரி மருத்துவமனையின் அறிக்கை வெளியானதையடுத்து மருத்துவமனைக்கு வெளியே இருந்த தொண்டர்கள் உற்சாகம் அடைந்தனர். இதைத்தொடந்து, மருத்துவமனையை விட்டு கலைந்து செல்லுமாறு காரின் மீது ஏறி ஆ.ராசா தொண்டர்களுக்கு கோரிக்கை வைத்தார்.

காவேரி மருத்துவமனைக்கு வெளியே கூடியிருக்கும் ஏராளமான தொண்டர்கள் கலைந்து செல்ல காவல்துறையினர் பேச்சுவார்த்தை நடத்தி வருகின்றனர். எனினும், கூட்டம் கலைந்து செல்லாததால் அங்கு பாதுகாப்பு பணியில் ஈடுபட்டிருந்த போலீசார் தொண்டர்கள் மீது லேசான தடியடி நடத்தினர்.

மருத்துவமனை முன்பு போலீஸ் பாதுகாப்பு அதிகரிக்கப்பட்டுள்ளது, அங்கிருக்கும் தொண்டர்களை கலைந்து செல்லுமாறு போலீசார் தொடர்ந்து வலியுறுத்தி வருகின்றனர். #DMK #Karunanidhi #KauveryHospital #GetWellKarunanidhi