மண்ணச்சநல்லூர் அருகே மணல் கடத்தல்-2 பேர் கைது

மண்ணச்சநல்லூர்:

மண்ணச்சநல்லூர் அருகே உள்ள நொச்சியம் பகுதியில் ஐயன் வாய்க்காலில் இருந்து சரக்கு ஆட்டோவில் மணல் கடத்தல்  நடப்பதாக  தகவல் கிடைத்தது. அதன் பேரில் மண்ணச்சநல்லூர் சிறப்பு சப்-இன்ஸ்பெக்டர் பாலகிருஷ்ணன் சோதனை மேற்கொண்டு சரக்கு ஆட்டோ டிரைவர் கர்ணன் (31) என்பவரை கைது செய்து, சரக்கு ஆட்டோவை பறிமுதல் செய்தார். 

இதேபோல் சமயபுரத்தில் மணல் கடத்தல் தகவல் வந்தது.  சப்- இன்ஸ்பெக்டர் அகிலன் மற்றும் போலீசார் திருச்சி சென்னை தேசிய நெடுஞ்சாலையில் கண்காணிப்பில் ஈடுபட்டிருந்தனர். அப்போது மணல் ஏற்றி வந்த கன்னியாகுமரி மாவட்டம் விளவங்கோடு பகுதியைச் சேர்ந்த சஜித் ( 29) என்பவரை கைது செய்து, லாரியை பறிமுதல் செய்தனர்.