அரக்கோணம் ரெயிலில் ரேசன் அரிசி பறிமுதல்

அரக்கோணம்:

தமிழகத்தில் இருந்து ஆந்திரா செல்லும் ரெயில்களில் ரேசன் அரிசி கடத்தப்படுகிறது. அரக்கோணம் தாலுகா வினியோக அதிகாரி குமார் தலைமையிலான அதிகாரிகள் இன்று அரக்கோணம் வழியாக திருப்பதி செல்லும் எக்ஸ்பிரஸ் ரெயிலில் சோதனை செய்தனர்.

அப்போது இருக்கைக்கு அடியில் இருந்து ரேசன் அரிசி மூட்டைகள் பறிமுதல் செய்யப்பட்டன. மொத்தம் ஒரு டன் ரேசன் அரிசி பறிமுதல் செய்யப்பட்டது. இதனை கடத்தி வந்தவர்கள் குறித்து விசாரணை நடத்தி வருகின்றனர்.