தீபாவளியையொட்டி நவம்பர் 2 முதல் 5 வரை ரேஷன் கடைகள் தொடர்ந்து செயல்படும் - தமிழக அரசு

சென்னை:

தீபாவளி பண்டிகை கொண்டாட வெளியூர்களுக்கு செல்லும் தமிழ்நாடு அரசு பணியாளர்களுக்கு வசதியாக தீபாவளி பண்டிகைக்கு முன்தினமான 5-ம் தேதி திங்கட்கிழமையும் அரசு விடுமுறை தினமாக முதலமைச்சர் பழனிசாமி சமீபத்தில் அறிவித்திருந்தார்.

இதைதொடர்ந்து, ரேஷன் கடைகளும் விடுமுறை தினத்தன்று இயங்காது என்று பரவலாக கூறப்பட்டது.

இந்நிலையில், தீபாவளி பண்டிகையையொட்டி மாநிலம் முழுவதிலும் உள்ள அனைத்து ரேஷன் கடைகளும் நவம்பர் 2 முதல் 5-ம் தேதி வரை தொடர்ந்து செயல்படும் என தமிழக அரசு இன்று அறிவித்துள்ளது. #TNRationshops #aheadofDeepavali