செய்திகள்
திண்டுக்கல் அருகே வீட்டில் பதுக்கி மது பாட்டில்கள் விற்பனை
திண்டுக்கல் அருகே வீட்டில் மது பாட்டில்கள் பதுக்கி விற்பனை செய்தவரை கைது செய்த போலீசார் 17 மதுபாட்டில்களை பறிமுதல் செய்தனர்.
கன்னிவாடி:
திண்டுக்கல் அருகே சுரைக்காய்பட்டி மற்றும் அதனைச் சுற்றியுள்ள பகுதியில் வீடுகளில் மது பாட்டில்கள் பதுக்கி விற்பனை செய்வதாக போலீசாருக்கு ரகசிய தகவல் கிடைத்தது. அதனடிப்படையில் கன்னிவாடி போலீஸ் சப்-இன்ஸ்பெக்டர் அசோக் தலைமையிலான போலீசார் விரைந்தனர்.
அப்போது சுரைக்காய்பட்டியைச் சேர்ந்த காளியப்பன் என்பவர் தனது வீட்டில் மது பாட்டில்கள் பதுக்கி விற்பனை செய்தது தெரிய வந்தது. அவரது வீட்டில் 17 மது பாட்டில்களை போலீசார் பறிமுதல் செய்தனர். அதனைத் தொடர்ந்து அவரை கைது செய்து விசாரணை நடத்தி வருகிறார்கள். #tamilnews