ராணிப்பேட்டை மாவட்டத்தில் மேலும் 26 பேருக்கு கொரோனா

ராணிப்பேட்டை:

ராணிப்பேட்டை மாவட்டத்தில் கொரோனா தொற்று நாளுக்கு நாள் அதிகரித்து வருகிறது. இந்த நிலையில் நேற்று புதிதாக மேலும் 26 பேருக்கு கொரோனா தொற்று உறுதி செய்யப்பட்டது. இதில் 9 பேர் வெளிமாவட்டங்களை சேர்ந்தவர்கள் ஆவர். இதனால் பாதித்தவர்களின் எண்ணிக்கை 185 ஆக உயர்ந்துள்ளது.

ராணிப்பேட்டை மாவட்டத்தில் இதுவரை மொத்தம் 7 ஆயிரத்து 26 பேருக்கு சளி மாதிரி பரிசோதனை செய்யப்பட்டுள்ளது. இதில் 623 பேருக்கு பரிசோதனை முடிவுகள் வரவேண்டி உள்ளது. 75 பேர் பல்வேறு மருத்துவமனைகளில் சிகிச்சை பெற்று வருகின்றனர். மாவட்டத்தில் மொத்தம் 510 பேர் தனிமைப்படுத்தப்பட்டு உள்ளதாக அதிகாரிகள் தெரிவித்துள்ளனர்.