வளநாடு அருகே பல ஆண்டுகளுக்கு பிறகு நிரம்பிய பாலாத்துக்குளம்

துவரங்குறிச்சி:

வளநாட்டை அடுத்த பாலத்துப்பட்டியில் பாலாத்துக்குளம் உள்ளது. சுமார் 17.13 எக்டேர் பரப்பளவில் உள்ள இந்த குளம் கடந்த பல ஆண்டுகளாக நீரின்றி வறண்டு கிடந்தது. இந்நிலையில் தற்போது பெய்து வரும் தொடர் மழையால் நேற்று குளம் முழுவதுமாக நிரம்பியது. இந்நிலையில் குளத்தின் ஒரு பகுதியில் உள்ள கரை உடையும் நிலையில் இருப்பதால் மக்கள் அச்சத்தில் உள்ளனர். இதனால் கரையை உடனே அதிகாரிகள் பலப்படுத்திட வேண்டும் என்று அப்பகுதி விவசாயிகள் கோரிக்கை விடுத்துள்ளனர்.