வெவ்வேறு இடங்களில் 6 மோட்டார் சைக்கிள்கள் திருட்டு

கிருஷ்ணகிரி:

கிருஷ்ணகிரி தமிழ்நாடு வீட்டு வசதி வாரியத்தைச் சேர்ந்த விஜயகுமார் (வயது 38). நேரலகிரி அரசு பள்ளி ஆசிரியரான இவரது மோட்டார் சைக்கிள் திருட்டு போனது. இதேபோல் நாமக்கல் மாவட்டம் திருச்செங்கோடு அருகே கொல்லபாளையத்தைச் சேர்ந்த பாலகிருஷ்ணன் (45) என்பவர் தனது மோட்டார் சைக்கிளை குருபரப்பள்ளியில் நிறுத்தி இருந்தார். அந்த மோட்டார் சைக்கிள் திருட்டு போனது. ஓசூர் துர்கா நகரை சேர்ந்த கோடீஸ்வரன் (32) என்பவரது மோட்டார் சைக்கிள் திருட்டு போனது. மேலும் ஓசூர் குமுதேப்பள்ளி எல்லம்மாகொத்தூரை சேர்ந்த மஞ்சுநாத் (36) என்பவரது மோட்டார் சைக்கிளும், தேன்கனிக்கோட்டை தாலுகா மாடக்கல் பக்கமுள்ள திம்மனப்பட்டியை சேர்ந்த குழந்தைவேல் (39) என்பது மோட்டார் சைக்கிளும், பர்கூர் வெங்கடசமுத்திரம் பையனூரை சேர்ந்த அல்தாப் உசேன் (29) என்பவரது மோட்டார் சைக்கிளும் திருட்டு போனது. இதுகுறித்து அவர்கள் அந்தந்த பகுதியில் உள்ள போலீஸ் நிலயைங்களில் புகார் அளித்தனர். அதன்பேரில் போலீசார் விசாரணை நடத்தினர்.