நாசரேத் மின்வாரிய ஊழியர் கொலையில் 3 தனிப்படை விசாரணை

நாசரேத்:

பாளையங்கோட்டை கே.டி.சி. நகரை சேர்ந்தவர் ஆனந்தபாண்டி (வயது 51). இவர் நாசரேத் உப மின்நிலையத்தில் லைன்மேனாக பணியாற்றி வந்தார். நேற்று அதிகாலை பணியில் இருந்த ஆனந்தபாண்டி ஒரு கும்பலால் கொலை செய்யப்பட்டார்.

இது தொடர்பாக வழக்குப்பதிவு செய்த போலீசார் ஆனந்தபாண்டியை கொலை செய்தவர்கள் யார் ? எதற்காக கொலை செய்யப்பட்டார்? முன்விரோதம் காரணமா? அல்லது வேறு ஏதேனும் காரணமா? என பல்வேறு கோணங்களில் விசாரணை நடத்தி வருகின்றனர்.

இந்நிலையில் கொலை தொடர்பாக சாத்தான்குளம் டி.எஸ்.பி. அருள், இன்ஸ்பெக்டர்கள் பட்டாணி, பவுலோஸ் ஆகியோர் தலைமையில் 3 தனிப்படைகள் அமைக்கப்பட்டுள்ளது.

தனிப்படையினர் அப்பகுதியில் பொருத்த ப்பட்டிருக்கும் சி.சி.டி.வி. காமிரா காட்சிகள் உள்ளிட் டவைகளை கொண்டு கொலை யாளிகளை அடையாளம் காணும் பணியில் ஈடுபட்டுள்ளனர்.