பாபநாசத்தில் மார்க்சிஸ்ட் கம்யூனிஸ்டு கட்சியினர் ஆர்ப்பாட்டத்தில் ஈடுபட்டனர்.
- பாபநாசம் நகரத்திற்கு நிரந்தரமாக போக்குவரத்து காவலரை நியமிக்க வேண்டும்.
- பொதுமக்கள் கொடுக்கும் புகார்களுக்கு உடனடியாக நடவடிக்கை எடுக்க வேண்டும்.
பாபநாசம்:
பாபநாசம் நகரத்திற்கு நிரந்தரமாக போக்குவரத்து காவலரை நியமிக்க வேண்டும், பொதுமக்கள் கொடுக்கும் புகார் மனுக்களுக்கு உடனடியாக நடவடிக்கை எடுக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி பாபநாசம் ஒன்றியக்குழு மார்க்சிஸ்ட் கம்யூனிஸ்டு கட்சி சார்பில் பாபநாசம் அண்ணா சிலை அருகில் ஆர்ப்பாட்டம் நடைபெற்றது.
ஆர்ப்பாட்ட த்திற்கு ஒன்றிய செயலாளர் முரளிதரன் தலைமை தாங்கினார்.
விவசாய தொழிலாளர் சங்க தலைவர் இளங்கோவன், நகர செயலாளர் சங்கர், மாதர் சங்க செயலாளர் கஸ்தூரிபாய், ஒன்றியக்குழு உறுப்பினர் ராமதாஸ் ஆகியோர் முன்னிலை வகித்தனர்.
இதில் மாநில குழு உறுப்பினர் டெல்லி பாபு, மாவட்ட செயலாளர் சின்னை பாண்டியன், மாவட்ட செயற்குழு உறுப்பினர் சிவகுரு, மாவட்ட குழு உறுப்பினர் காதர் உசேன், ஒன்றியக்குழு உறுப்பினர்கள், கிளை செயலாளர்கள் மற்றும் பலர் கலந்து கொண்டு கோஷங்கள் எழுப்பி ஆர்ப்பாட்டத்தில் ஈடுபட்டனர்.