மல்யுத்த வீராங்கனைகளுக்கு ஆதரவாக கோத்தகிரியில் ஆர்ப்பாட்டம்

அரவேணு,

நீலகிரி மாவட்டம் கோத்தகிரியில் இந்திய மல்யுத்த வீராங்கனைகளுக்கு எதிரான பாலியல் சீண்டலை கண்டித்து பல்வேறு அமைப்புகள் சார்பில் ஆர்ப்பாட்டம் நடத்தப்பட்டது.

இதில் நீலமலை அனைத்து தொழிலாளர் சங்கம் (வாகன பிரிவு) தலைவர் சுப்பிரமணி, உதயநிதி ஸ்டாலின் நற்பணி மன்ற நிர்வாகி மணி. இந்திய மாணவர் சங்க கூட்டமைப்பு மாவட்ட செயலாளர் யோகராஜ், இந்திய பொதுவுடமை மார்க்சிஸ்ட் கட்சியின் தாலுகா செயலாளர் மணிகண்டன், விடுதலை சிறுத்தைகள் கட்சியின் மாவட்ட பொருளாளர் மன்னரசன், மக்கள் அதிகாரம் மாவட்ட செயலாளர் ஆனந்தராஜ், இணைச் செயலாளர் வெங்கட், பொருளாளர் ரவி உள்பட நிர்வாகிகள் பலர் கலந்து கொண்டனர்.

ஆர்ப்பாட்டத்தில் இந்திய மல்யுத்த வீராங்கனைகளுக்கு பாலியல் தொந்தரவு கொடுத்த பா.ஜனதா எம்.பி பிரிட்ஜ் பூசன் சரண்சிங்கை கைது செய்து சிறையில் அடைக்க வேண்டும்,

மல்யுத்த கூட்டமைப்பு தலைவர் தேர்தலை ஜனநாயக முறைப்படி வெளிப்படையாக நடத்த வேண்டும் என்பவை உள்ளிட்ட பல்வேறு கோரிக்கைகளை வலியுறுத்தி கோத்தகிரியில் ஆர்ப்பாட்டம் நடத்தப்பட்டது.

மக்கள் அதிகாரம் மாவட்ட செயற்குழு உறுப்பினர் ராஜா நன்றி கூறினார்.