திண்டிவனம் அருகே ரூ.1 லட்சம் மதிப்பிலான போதை பாக்குகள் பறிமுதல்

விழுப்புரம்:

விழுப்புரம் மாவட்டம் திண்டிவனம் அடுத்த பட்டணம் கிராமத்தில் உள்ள கடையில் தொடர்ந்து தடை செய்யப்பட்ட ஹான்ஸ், பான் மசாலா பொருட்கள் விற்பனை செய்யப்படுவதாக ரோசனை இன்ஸ்பெக்டர் அன்னகொடிக்கு ரகசிய தகவல் கிடைத்தது. அதன் பெயரில் ரோஷனை எஸ்ஐ தங்கபாண்டியன், சிறப்பு சப்-இன்ஸ்பெக்டர்கள் கருணாகரன், சதாசிவம், ஏட்டு வெற்றி வேல் ஆகியோர் அதிரடியாக அந்த கடையில் சோதனை செய்தனர். அந்த கடையில் மறைத்து வைத்திருந்த தடை செய்யப்பட்ட ரூ.1 லட்சம் மதிப்பிலான பான் மசாலாவை பறிமுதல் செய்து கடை உரிமையாளர் செல்வத்தை கைது செய்து விசாரணை நடத்தி வருகின்றனர்.