கொடநாடு மலை அடிவாரத்தில் குட்டிகளுடன் சுற்றும் யானைகள்

அரவேணு,

நீலகிரி மாவட்டம் கோத்தகிரி அருகில் அமைந்துள்ள கடைசி கடசோலை, குள்ளங்கரை, ரங்கசாமிமலை, கொடநாடு மலை அடிவாரம் ஆகிய பகுதிகளில் காட்டு யானைகள் குட்டிகளுடன் முகாமிட்டுள்ளது. இந்த காட்டு யானைகள் வனப்பகுதியில் இருந்து வருடந்தோறும் உணவு தேடி குடியிருப்பு பகுதிக்கு வருவது வழக்கம்.

மேலும் மலை அடிவாரம் பகுதியில் முகாமிட்டுள்ள காட்டு யானைகளை மீண்டும் வனப்பகுதியில் விரட்ட வனத்துறையினர் முயற்சி மேற்கொண்டு வருகின்றனர். அப்பகுதியில் ஆடு, மாடு உள்ளிட்ட கால்நடை மேய்ச்சலில் ஈடுபடுவோர் மற்றும் வாகன ஓட்டிகள் பாதுகாப்பாக வாகனங்களை இயக்க வேண்டும் என வனத்துறையினா் அறிவுறுத்தியுள்ளனா். மேலும் யானைகள் சாலைக்கு வராமல் தடுக்க தொடா்ந்து வனத்துறையினர் கண்காணித்து வருகின்றனா்.