மாணவ-மாணவிகளுக்கு இலவச சைக்கிள்களை மகாராஜன் எம்.எல்.ஏ வழங்கினார்.
குமணந்தொழுவில் மாணவர்களுக்கு இலவச சைக்கிள்கள்
- குமணந்தொழு அரசு மேல்நிலைப்பள்ளி பிளஸ்1 மற்றும் பிளஸ் 2 மாணவர்களுக்கு அரசின் இலவச சைக்கிள் வழங்கும் விழா நடைபெற்றது.
- மேலும் பள்ளி மாணவ-மாணவிகளுக்காக அரசு சார்பில் செயல்படுத்தப்பட்டு வரும் திட்டங்கள் தொடர்பாக பேசினார்.
வருசநாடு:
தேனி மாவட்டம் கடமலை - மயிலை ஊராட்சிக்குட்பட்ட குமணந்தொழு அரசு மேல்நிலைப்பள்ளி பிளஸ்1 மற்றும் பிளஸ் 2 மாணவர்களுக்கு அரசின் இலவச சைக்கிள் வழங்கும் விழா நடைபெற்றது. விழாவிற்கு பள்ளி தலைமை ஆசிரியர் மாதவன் தலைமை வகித்தார்.ஆண்டிப்பட்டி எம்.எல்.ஏ மகாராஜன் சிறப்பு அழைப்பாளராக விழாவில் கலந்து கொண்டு மாணவ மாணவிகளுக்கு சைக்கிள்களை வழங்கினார்.
மேலும் பள்ளி மாணவ-மாணவிகளுக்காக அரசு சார்பில் செயல்படுத்தப்பட்டு வரும் திட்டங்கள் தொடர்பாக பேசினார். இதில் ஒன்றிய கழக செயலாளர்கள் வக்கீல்சுப்பிரமணி, தங்கப்பாண்டி, ஒன்றிய குழு தலைவர் சித்ரா சுரேஸ், ஒன்றிய கவுன்சிலர்கள் பிரபாகரன், மச்சக்காளை, முன்னாள் ஒன்றிய கவுன்சிலர் மாடசாமி, மாவட்ட வர்த்தக அணி துணை அமைப்பாளர் மாடசாமி, மாவட்ட விவசாய அணி துணை அமைப்பாளர் ஜெயச்சந்திரன், முன்னாள் ஒன்றிய இளைஞரணி அமைப்பாளர் தமிழன் மற்றும் ஆசிரியர்கள் மாணவ மாணவியர் உட்பட பலர் கலந்து கொண்டனர்.