கடலூர் அருகே மனைவியை தாக்கிய கணவன் கைது

கடலூர்:

கடலூர் கே.என்.பேட்டையை சேர்ந்தவர் பாரதி (வயது 28). இவரது மனைவி ராஜலட்சுமி(வயது 23). இவர்களுக்கு திருமணமாகி 5 வருடம் ஆகிறது. சம்பவத்தன்று ராஜலட்சுமி தனது கணவர் பாரதியிடம் 500 ரூபாய் பணம் கேட்டு உள்ளார். அப்போது இருவருக்கும் வாக்குவாதம் ஏற்பட்டது.

இந்த நிலையில் ராஜல ட்சுமியை கணவர் பாரதி மற்றும் அவரது உறவினர்கள் சேர்ந்து தாக்கியதாக கூறப்படுகிறது. மேலும் பாரதி தனது மனைவியை மானபங்கப்படுத்தியதாக கூறப்படுகிறது. இது குறித்து ராஜலட்சுமி கடலூர் திருப்பாதிரிப்புலியூர் போலீஸ் நிலையத்தில் கொடுத்த புகாரின் பேரில் கணவர் பாரதி உட்பட 3 பேர் மீது போலீசார் வழக்கு பதிவு செய்தனர். இதில் கணவர் பாரதியை போலீசார் கைது செய்தனர்.