உரிகம் ஊராட்சியில் பொதுவினியோகத் திட்ட சிறப்பு குறைதீர்க்கும் முகாம்

தேன்கனிக்கோட்டை,

கிருஷ்ணகிரி மாவட்டத் தில் பொது விநியோக திட்டத்தில் காணப்படும் குறைபாடுகளை களை வதற்கும், மக்களின் குறைகளை கேட்டு உடனுக்குடன் அவற்றை நிவர்த்தி செய்யவும், குடும்ப அட்டைகளில் பெயர் சேர்த்தல், நீக்கல், திருத்தம் மற்றும் முகவரி மாற்றம் போன்ற குறைபாடுகளை நிவர்த்தி செய்ய காலை 10 மணி முதல் பிற்பகல் 1 மணி வரை ஒவ்வொரு தாலுக்காவில் ஒரு கிரா மத்தில் சிறப்பு குறைதீர்க்கும் முகாம் நடைபெற்றது.

அதன்படி அஞ்செட்டி தாலுகா உரிகம் கிராமத்தில் உள்ள கிராம நிர்வாக அலுவலக வளாகத்தில் நடந்த பொது விநியோக திட்ட சிறப்பு குறைதீர்க்கும் முகாமில் குடிமை பொருள் வட்ட வழங்கல் தாசில்தார் பாலகிருஷ்ணன் தலைமை தாங்கி பொதுமக்களிடம் ரேஷன் கார்டில் பெயர் சேர்த்தல், நீக்குதல், திருத்தம், முகவரி, தொலைபேசி எண் மாற்றம் தொடர்பான மனுக்களை பெற்று நடவடிக்கை எடுததார்.

இந்நிகழ்ச்சியில் வருவாய் ஆய்வாளர் ரமேஷ், கிராம நிர்வாக அலுவலர் தம்பிதுரை, ரேஷன் கடை விற்பனையாளர் ரூபா உள்ளிட்ட பலர் கலந்து கொண்டனர்.