குளச்சல் அருகே வீடு புகுந்து கணவன்-மனைவி மீது தாக்குதல்

கன்னியாகுமரி :

குளச்சல் அருகே உள்ள வாணியக்குடி வியாகப்பர் சந்திப்பை சேர்ந்தவர் ததேயூஸ் (வயது 48). இவரது மனைவி பெட்ராஸ் மேரி (44).

சம்பவத்தன்று அந்த பகுதியில் 24 வது அன்பியத்தை சேர்ந்த பிரின்ஸ் (35), பிரவீன் (33)ஆகியோர் மது போதையில் தகராறு செய்ததாக கூறப்படுகிறது. இதனை ததேயூஸ், பெட்ராஸ் மேரி ஆகியோர் வேடிக்கை பார்த்தார்களாம்.

இதனால் இவர்கள் மீது பிரின்ஸ், பிரவீனுக்கு முன்விரோதம் ஏற்பட்டது. சம்பவத்தன்று 2 பேரும், ததேயூஸ் வீட்டிற்ள் புகுந்து ததேயூஸ், அவரது மனைவி பெட்ராஸ் மேரி ஆகியோரை தாக்கி உள்ளனர். இதில் படுகாயமடைந்த பெட்ராஸ் மேரி குளச்சல் அரசு மருத்துவமனையில் சிகிச்சை பெற்று வீடு திரும்பினார்.

இது குறித்து பெட்ராஸ் மேரி குளச்சல் போலீசில் புகார் செய்தார். போலீசார் பிரின்ஸ், பிரவீன் ஆகியோர் மீது வழக்குப்பதிவு செய்து விசாரணை நடத்தி வருகின்றனர்.