கல்லூரி பேராசிரியர் வீட்டில் நகை-பணம் கொள்ளை

மதுரை

மதுரை மாவட்டம் நாகமலை புதுக்கோட்டை அகத்தியர் நகரை சேர்ந்தவர் அர்ஜுனன் (வயது 58). இவர் உசிலம்பட்டியில் உள்ள ஒரு கல்லூரியில் பேராசிரியராக பணியாற்றி வருகிறார். சம்பவத்தன்று இவர் குடும்பத்துடன் மாமனார் வீட்டிற்கு சென்றிருந்தார்.

அவர் திரும்பி வந்து பார்த்த போது வீட்டில் முன் கதவை உடைத்து உள்ளே சென்ற மர்ம நபர் வீட்டில் இருந்த 1 பவுன் தங்க நகை, ரூ. 40 ஆயிரம் ரொக்கம் ஆகியவற்றை கொள்ளையடித்துச் சென்று விட்டான்.

இதுபற்றி அர்ஜுனன் நாகமலை புதுக்கோட்டை போலீசில் புகார் செய்தார். அதன்பேரில் போலீசார் வழக்குப்பதிவு செய்து வீடுபுகுந்து நகை-பணத்தை கொள்ளையடித்த மர்ம நபரை தேடி வருகின்றனர்.