முருப்பெருமானின் அறுபடை வீடுகளின் முதல்படை வீடான திருப்பரங்குன்றம் சுப்பிரமணியசுவாமி கோவிலில் கந்த சஷ்டி விழா விமரிசையாக நடைபெற்றது. நிகழ்ச்சியின் நிறைவு நாளான இன்று முருகன்-தெய்வானையுடன் சட்ட தேரில் எழுந்தருளி பக்தர்களுக்கு காட்சியளித்தனர். இந்த தேரை பக்தர்கள் ஹரோகரா கோஷத்துடன் வடம் பிடித்து இழுத்தனர்.
திருப்பரங்குன்றத்தில் கந்த சஷ்டி தேரோட்டம்
- திருப்பரங்குன்றத்தில் கந்த சஷ்டி தேரோட்டம் நடந்தது.
- பக்தர்கள் வடம் பிடித்து தேரை இழுத்து தரிசனம் செய்தனர்.
திருப்பரங்குன்றம்
திருப்பரங்குன்றம் சுப்பிரமணிய சுவாமி கோவிலில் கந்த சஷ்டி விழா கடந்த 13-ந்தேதி காப்பு கட்டுதலுடன் தொடங்கியது. விழாவின் முக்கிய நிகழ்ச்சியாக சூரசம்ஹார லீலை நேற்று நடைபெற்றது. விழாவை முன்னிட்டு சுப்பிரமணிய சுவாமி சிவப்பு அலங்கா ரத்தில் சன்னதி தெருவில் உள்ள சொக்கநாதர் கோவில் முன்பு எழுந்தரு ளினார்.
அங்கு அம்மனிடம் இருந்து பெற்ற சக்திவேல் கொண்டு சூரனை வதம் செய்யும் சூரசம்ஹார லீலை நடைபெற்றது. இதில் ஆயிரக்கணக்கான பக்தர்கள் கலந்து கொண்ட னர். விழாவின் நிறைவு நாள் நிகழ்ச்சியாக கந்த சஷ்டி தேரோட்டம் இன்று நடைபெற்றது.
விழாவினை முன்னிட்டு உற்சவர் சன்னதியில் சுப்ரமணிய சுவாமி-தெய் வானைக்கு பால், பன்னீர், இளநீர் உள்ளிட்ட 16 வகை பொருட்கள் கொண்டு சிறப்பு அபிஷேகம் நடை பெற்றது. பின்னர் தங்க மயில் வாகனத்தில் கோவில் வாசலில் உள்ள சிறிய சட்டத் தேரில் எழுந்த ருளினர்.
இதில் பக்தர்கள் அரோ கரா கோஷத்துடன் ரத வீதிகள், கிரிவல பாதையில் தேரை வடம் பிடித்து இழுத்தனர். தொடர்ந்து இன்று மாலை பாவாடை தரிசன மும், அதனைத் தொடர்ந்து மூலவர் சுப்பிரமணிய சுவாமிக்கு தங்க கவச அலங்காரமும் நடைபெறுகிறது.
மேலும் மூலஸ்தானத்தில் உள்ள கற்பக விநாயகர், சத்தியகிரீஸ்வரர், துர்க்கை அம்மன், பவளக்கனிவாய் பெருமாள் ஆகிய சுவாமி களுக்கும் வெள்ளிக்கவசம் சாற்றப்படுகிறது. இந்த விழாவிற்கான ஏற்பாடு களை கோவில் நிர்வாகம் செய்து வருகிறது.