பாதையை பலப்படுத்தும் பணிகளுக்காக மதுரை - செங்கோட்டை ரெயில்கள் ரத்து

தென்காசி:

தென்னக ரெயில்வே சார்பில் வெளியிடப்பட்டுள்ள அறிக்கையில் கூறியிருப்பதாவது:-

ராஜபாளையம் - சங்கரன் கோவில் ரெயில்வே வழித்தடத்தில் ரெயில் பாதை பலப்படுத்தும் பணிகள் நாளை முதல் நடைபெற உள்ளதால் மதுரையில் காலை 11.30 மணிக்கு புறப்பட வேண்டிய மதுரை - செங்கோட்டை ரெயில் ( வண்டி எண் 06663 ) மற்றும் செங்கோட்டையில் இருந்து காலை 11.50 மணிக்கு புறப்பட வேண்டிய செங்கோட்டை - மதுரை (06664) ஆகிய முன்பதிவு இல்லாத சிறப்பு ரெயில்கள் நாளை (5-ந்தேதி) முதல் வருகிற 10 வரை 6 நாட்களுக்கு ரத்து செய்யப்படும். இவ்வாறு அதில் கூறப்பட்டுள்ளது.