பாளை ஆயுதப்படை மைதானத்தில் பெண் போலீஸ் சப்-இன்ஸ்பெக்டர் பணிக்கான உடல் தகுதி தேர்வு - எழுத்து தேர்வில் வெற்றி பெற்ற 302 பேர் பங்கேற்பு

நெல்லை:

தமிழகத்தில் காவல்துறை யில் காலியாக உள்ள சப்-இன்ஸ்பெக்டர் பணி யிடங்களை நிரப்புவதற்கான எழுத்து தேர்வு கடந்த சில மாதங்களுக்கு முன்பு நடைபெற்றது.

உடல் தகுதி தேர்வு

அதில் வெற்றி பெற்ற பெண்களுக்கான உடல் தகுதி தேர்வு பாளையில் உள்ள ஆயுதப்படை மைதானத்தில் இன்று தொடங்கி நடைபெற்று வருகிறது. இதில் நெல்லை, தென்காசி, குமரி, தூத்துக்குடி மாவட்டங்களை சேர்ந்த 302 பெண் தேர்வர்கள் உடல் தகுதி தேர்வில் பங்கேற்றனர்.

இந்த தேர்வில் நீளம் தாண்டுதல், உயரம் தாண்டுதல், 100 மீட்டர் ஓட்டம், 400 மீட்டர் ஓட்டம், கயிறு ஏறுதல் உள்ளிட்ட போட்டிகள் நடத்தப்படுகிறது.

இதில் வெற்றி பெறுபவர்கள் அடுத்த கட்ட மாக மருத்துவ பரிசோதனை க்கும், நேர்முகத் தேர்வுக்கும் அழைக்கப்படு வார்கள்.

பணி ஆணை

பின்னர் அவர்களுக்கான பணி ஆணை வழங்கப்படும். இந்நிலையில் இன்று உடற்தகுதி தேர்வு நெல்லை சரக டி.ஐ.ஜி. பிரவேஷ்குமார் மேற்பார்வையில், மாநகர போலீஸ் கமிஷனர் மகேஸ்வரி தலைமையில் நடைபெற்றது.

இதற்கான பணிகள் துணை கமிஷனர்கள் அனிதா, சரவணகுமார் உள்ளிட்டோர் கண்காணிப் பில் நடை பெற்றது.

இந்த உடல் தகுதி தேர்வு 2-வது நாளாக நாளையும் நடக்கிறது. இதற்காக எழுத்து தேர்வில் வெற்றி பெற்ற பெண்கள் இன்று அதிகாலை யிலேயே ஆயுதப்படை மைதானத்திற்கு வந்தனர். தொடர்ந்து தேர்வில் ஆர்வமாக பங்கேற்று ஓடினர்.