சோமனூரில் டாஸ்மாக் கடை அமைக்க எதிர்ப்பு- 100க்கும் மேற்பட்ட பெண்கள் சாலைமறியல்

கருமத்தம்பட்டி

சோமனூர் சவுடேஸ்வரி காலனி பகுதி உள்ளது. இங்கு பள்ளிக்கூடங்கள், கோவில்கள், மசூதி மற்றும் 100க்கும் மேற்பட்ட குடியிருப்புகள் உள்ளன.

இந்த நிலையில், இந்த பகுதியில் புதிதாக அரசு டாஸ்மாக் கடை திறப்பதற்கான பணிகள் மும்முரமாக நடைபெற்று வருகிறது. இதற்கு அப்பகுதியில் உள்ள பொதுமக்கள் எதிர்ப்பு தெரிவித்து வருகின்றனர்.

இது தொடர்பாக கடந்த மார்ச் மாதம் கோவை கலெக்டர் அலுவலகத்திலும் மனு அளித்தனர். அதில், குடியிருப்பு நிறைந்த இந்த பகுதியில் மதுக்கடை அமைக்க வேண்டாம் என கேட்டு கொண்டனர்.

இந்த நிலையில் மீண்டும் இந்த பகுதியில் மது கடை திறக்கப்படுவதாக தகவல் வந்ததை தொடர்ந்து அப்பகுதி பொதுமக்கள் மற்றும் பெண்கள் சுமார் நூற்றுக்கும் மேற்பட்டோர் இன்று காலை சாலை மறியல் போராட்டத்தில் ஈடுபட்டனர்.

இதுகுறித்து தகவலறிந்த கருமத்தம்பட்டி இன்ஸ்பெக்டர் ராஜதுரை தலைமையிலான போலீசார் சம்பவ இடத்திற்கு விரைந்து வந்து, போராட்டத்தில் ஈடுபட்டவர்களிடம் பேச்சுவார்த்ைத நடத்தினர்.

அப்போது பொதுமக்கள், இந்த பகுதியில் மதுக்கடை அமைக்க அனுமதி வழங்கப்படாது என உத்தரவாதம் வழங்க வேண்டும் என தெரிவித்தனர். போலீசாரும் கடை திறக்கப்படாது என உறுதி அளித்தனர். சாலை மறியல் போராட் டத்தின் காரண மாக சுமார் ஒரு மணி நேரத்திற்கு மேலாக சோமனூர்- காரணம ்பேட்டை சாலையில் போக்கு வரத்து நெரிசல் ஏற்பட்டது