தமிழ்நாடு அரசு, மாநில கல்வி கொள்கையை விரைவில் வெளியிட வேண்டும்-தமிழ்நாடு அறிவியல் இயக்கம் வலியுறுத்தல்

புதுக்கோட்டை

புதுக்கோட்டை மாவட்ட தமிழ்நாடு அறிவியல் இயக்க மாவட்ட செயற்குழுக் கூட்டம் அறிவியல் இயக்க அலுவலகத்தில் மாவட்டத் தலைவர் வீரமுத்து தலைமையில் நடைபெற்றது. மாவட்ட இணைச்செய லாளர் ஜெயராம் அனை வரையும் வரவேற்றார். மாவட்டச் செயலாளர் முத்துக்குமார் வேலை அறிக்கை சமர்ப்பித்தார். மாவட்ட குழந்தைகள் நலக்குழு தலைவர்சதாசிவம் எதிர்கால பணிகள் குறித்தும் மாநில பொதுக்குழு உறுப்பி னர் மணவாளன் மாநில செயற்குழு முடிவு கள் குறித்தும் பேசினர். மாவட்ட செயற்குழு உறுப்பி னர்கள் ஜெயபாலன், ராம திலகம், கமலம், ரகமதுல்லா உள்ளிட்ட பலர் கலந்து கொண்டனர்.

மாவட்டம் முழுவதும் அறிவியல் பிரச்சாரப் பணி களை தீவிரமாக மேற்கொள் வது, புதுக்கோட்டையில் செயல்படும் வகையில் தமிழக அரசு புதிதாக சட்டக்கல்லூரி தொடங்க வேண்டும், சுற்றுச்சூழலைப் பாதுகாக்கும் விதமாக பாலித்தீன் பைகள் பயன்பாட்டைக் குறைத்து காகிதப்பைகளை மக்கள் பயன்படுத்துவதை ஊக்குவிக்கும் வகையில் விழிப்புணர்வு பிரச்சார பணிகளை மேற்கொள்வது, தமிழக அரசு மூடநம்பிக்கை ஒழிப்புச் சட்டத்தை விரைவில் நிறைவேற்ற வேண்டும், தமிழக அரசு மாநில கல்விக் கொள்கையை விரைந்து வெளியிட வேண்டும், சென்னையி லிருந்து செங்கோட்டை வரை புதுக்கோட்டை வழியாக வாரத்திற்கு 3 நாட்கள் மட்டும் செல்லும் சிலம்பு எக்ஸ்பிரஸ் ரயிலை தினந்தோறும் இயங்கும் வகையில் நடவடிக்கை எடுக்க வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன.

நிறைவாக மாவட்ட இணைச் செயலாளர் பிச்சைமுத்து நன்றி கூறினார்.