திருப்பத்தூர் புதுப்பூங்குளம் அரசு பள்ளிக்கு சீர்வரிசை பொருட்கள்

திருப்பத்தூர்:

திருப்பத்தூர் ஒன்றியம் ஏ.கே. மோட்டூர் ஊராட்சிக்கு உட்பட்ட புதுப் பூங்குளம் ஊராட்சி நடுநிலைப்பள்ளி உள்ளது. இங்கு சுமார் 120 மாணவ மாணவிகள் படித்து வருகிறார்கள்.

இந்த பள்ளிக்கு முன்னாள் மாணவர்கள், பெற்றோர்கள், பொதுமக்கள், சார்பில் பீரோ, டேபிள், சேர், சுவர் கடிகாரம், பிளாஸ்டிக் குடங்கள், என பள்ளிக்கு தேவையான அனைத்து பொருட்களையும் சீர்வரிசையாக வழங்கும் நிகழ்ச்சி பள்ளியில் நடைபெற்றது.

நிகழ்ச்சிக்கு ஊராட்சி மன்ற தலைவர் பு.வேலு தலைமை வகித்தார் முன்னாள் மாவட்ட கவுன்சிலர் எம்.ராஜேந்திரன், துணைத் தலைவர் சிவப்பிரகாசம் முன்னிலை வகித்தார்.

அனைவரையும் தலைமை ஆசிரியர் புண்ணியமூர்த்தி வரவேற்றார், சிறப்பு அழைப்பாளராக ஏ. நல்லதம்பி எம்எல்ஏ கலந்துகொண்டு பள்ளிக்கு வழங்கிய சீர் வரிசைகளை வட்டார கல்வி அலுவலர் நெடுஞ்செழியனிடம் வழங்கி பேசினார்.