வெள்ளகோவில் அருகே விக்ரம சோழீஸ்வரர் கோவில் தேரோட்டம்
- 26 ந் தேதி கம்பம் போடப்பட்டு4-ந் தேதி பொங்கல், மாவிளக்கு பூஜை , மறு அபிஷேகம் நடைபெற்றது.
- கிராம பொதுமக்கள் மற்றும் இந்து சமய அறநிலையத்துறை அதிகாரிகள் கலந்து கொண்டனர்.
வெள்ளகோவில்:
வெள்ளகோவில் அருகே உள்ள ஓலப்பாளையம். கண்ணபுரம் மாரியம்மன் கோவில் பொங்கல் திருவிழா மற்றும் வித்தகச் செல்வி உடனமர் விக்ரம சோழீஸ்வரர் கோவில் தேர் திருவிழா தேரோட்டம் நடைபெற்றது.
கண்ணபுரம் மாரியம்மன் கோவில் மிகவும் பிரசித்தி பெற்ற கோவிலாகவும் இந்த கோவில் பொங்கல் திருவிழாவை முன்னிட்டு கடந்த மாதம் 19-ந் தேதி பூச்சாட்டுதல் நிகழ்ச்சி ,அதைத்தொடர்ந்து 26 ந் தேதி கம்பம் போடப்பட்டு4-ந் தேதி பொங்கல், மாவிளக்கு பூஜை , மறு அபிஷேகம் நடைபெற்றது.
வித்தகச்செல்வி உடனமர் விக்கிரம சோழீஸ்வரர் கோவில் தேர் திருவிழாவையொட்டி கடந்த மாதம் 28-ந் தேதி தேர்முகூர்த்தம் நிகழ்ச்சி நடைபெற்றது.அதை தொடர்ந்து இந்த மாதம் 1ந் தேதி அன்று கொடியேற்றம், 4-ந் தேதி திருக்கல்யாண மகோற்சவம், தேரோட்டம் நடைபெற்றது.இந் நிகழ்ச்சியில் கண்ணபுரத்தை சுற்றியுள்ள கிராம பொதுமக்கள் மற்றும் இந்து சமய அறநிலையத்துறை அதிகாரிகள் கலந்து கொண்டனர்.