பள்ளிகொண்டா ரங்கநாதர் கோவில் தேரோட்டம்

அணைக்கட்டு:

பள்ளிகொண்டா பகுதியில் அமைந்துள்ள 2 ஆயிரம் ஆண்டுகள் பழமை வாய்ந்த பிரசித்தி பெற்ற உத்திரரங்கநாத சுவாமி ஆலயத்தில் சித்திரை பிரம்மோற்சவ திருவிழா கடந்த 7 நாட்களுக்கு முன்பு துவாஜாரோஹனம் கொடியேற்று விழாவுடன் தொடங்கியது. இன்று தேரோட்டம் நடந்தது. திரளான பக்தர்கள் தேரை வடம் பிடித்து இழுத்தனர்.

செயல் அலுவலர் உமாராணி, பேரூராட்சி தலைவர் சுபபிரியா, திருக்கோயில் கணக்காளர் சரவணபாபு, மணியம் ஹரிஹரன் இன்ஸ்பெக்டர் கருணகரன் கலந்து கொண்டனர்.பள்ளி கொண்டா பகுதி மட்டுமின்றி மாவட்டத்தின் பல்வேறு பகுதிகளில் இருந்தும் ஆயிரக்கணக்கான பக்தர்கள் திரளாக பங்கேற்று தரிசனம் செய்தனர்.