மீண்டும் ஒருமுறை மோடி அரசு - பாஜகவின் பிரசார முழக்கம் வெளியீடு

புதுடெல்லி:

ஏழைகளுக்கு ஆண்டுதோறும் 72 ஆயிரம் ரூபாய் அளிக்கும் ‘நியாய்’ திட்டத்தை மையப்படுத்தி காங்கிரஸ் கட்சியின் ‘இனி நியாயம் கிடைக்கும்’ என்ற இந்தி தேர்தல் பிரசாரப் பாடல் இன்று வெளியானது. 

இதேபோல், மீண்டும் ஒருமுறை மோடி அரசு (ஃபிர் ஏக் பார் மோடி சர்க்கார்) என்னும் பாஜகவின் தேர்தல் பிரசார முழக்கம்  டெல்லியில் உள்ள பாஜக தலைமையகத்தில் இன்று வெளியிடப்பட்டது.

இதை வெளியிட்டு பேசிய மத்திய நிதி மந்திரி அருண் ஜெட்லி, கடந்த 5 ஆண்டுகால பாஜக அரசு செய்து முடித்த பணிகளை முன்வைத்தும், மோடி தலைமையிலான ஆட்சி எடுத்த மிகப்பெரிய நடவடிக்கைகளை மையப்படுத்தி ‘செயல்திறன் மிக்க ஆட்சி’, ‘நேர்மையான ஆட்சி’ ‘மிகப்பெரிய திடமான நடவடிக்கைகளை எடுத்த ஆட்சி’ என மூன்று வகைகளில் மீண்டும் ஒருமுறை மோடி அரசு அமைய வேண்டும் என்பதை வலியுறுத்தும் விதமாக இந்த பிரசார முழக்கம் வடிவமைக்கப்பட்டதாக குறிப்பிட்டார். #BJPtagline #PhirEkBaar #ModiSarkar #LSpolls